ZOHFELTUI’ ANKA ...
DBCF Meifar kum 4nk, tum 11nk tiang lam in hruaitu kan biakmi Pa Pathian a hmin sunglawi thangthat in um sin ko seh. Amen.
Thlatang zilthli in in sem ih a dai vivo tikah in runtu Bawi Jesuh Khirh suahcam a thleng cing ding ti cu kan ruahnak ah amahten a rathleng ko ding. Tui November thla sungah Myanmar le India in ‘Nauhak Pawlih Ni’ cu an hmang. Nov 20, 2013 ah ‘International Childrens’ Day’ cu Kandawgyi Park, Yangon ah nomnak le cangvaihnak a phunphun thawn hman a si. Cun India ah Nov 14, 2013 ah tuah a si. India ahcun Pandit Jawaharlal Nehru, PM hmaisabik, ih suahcam hminsinnak ah tuah a si. Ziangahtile Nehru in nauhak pawl thansohnak, awngmin hlensuaknak le fimthiamnak sang zir ngahnak ding pawlah nasa zetin a tuahsak. Curuangah nauhak pawlin Chacha Nehru tiin duhkawh in an ko theu.
Kannih Christian kawhhran zate khalin nauhak pawl cu kan kilkhawi ih an thansohnak dingah tan ka lak cio. Nauhak pawlih thlarau, thinlung le taksa famkimten a thanglen theinak dingah tiin DBCF khalin Sunday School Department hrangah a hleice in kawhhran Bupi in tan a lak ih, cun zirhtu saya/ma le nu le pa zate, le department tin in lungrual zetin tan kan lak cio. Hihi zohthim a tlak zetmi a si. Tuni Nov 24, 2013 hi DBCF Sunday School Sunday a si. DBCF Sunday School Department hi din a si hnu Pathian in lamhruainak in kum 15 lai a rei zo. Kannih zumtu zate khalin nauhak pawlih thlarau rundamnak, taksa thanlennak le an fimzirnak a sang dingah zuam sinsin uhsi.
Nauhak pawl thawn a pehparmi tongfim pa 4 te a huailam ah kan zoh tlang pei:
1. Thlarau (soul) hi nauhak pawl umtudan in damtermi a si. (Mirang Thufim)
2. Nauhak pawl hi kan hrangih a hlubikmi thilsuak, natural resource, an si. (Herbert Hoover)
3. Fimzirnak diklo a zirtu nauhak cu nauhak hlo a si. (John F. Kennedy)
4. Nauhak pakhat na thawi hlanah, nangmah le mah mi nunrawng na si/lo fiangfel hmaisa ta aw. (Austin O'Malley)
Cun Bawi Jesuh Khrih in nauhak pawl a duhdawtzet thu Mat. 19:14 ah kan hmu thei. Amai hnenih ra dingin nauhak pawl cu a duh a si. Cucu nauhak pawlin rundamnak an co ding a duhsak ti a fiang. Nauhak duhdawttu Jesuh hi nauhak pawl tlunih kan tuanvo in khihhmuhtu le kan zohthim dingmibik a si.
(Chief Editor, Salai Thang Lian Mung)
DBCF Meifar kum 4nk, tum 11nk tiang lam in hruaitu kan biakmi Pa Pathian a hmin sunglawi thangthat in um sin ko seh. Amen.
Thlatang zilthli in in sem ih a dai vivo tikah in runtu Bawi Jesuh Khirh suahcam a thleng cing ding ti cu kan ruahnak ah amahten a rathleng ko ding. Tui November thla sungah Myanmar le India in ‘Nauhak Pawlih Ni’ cu an hmang. Nov 20, 2013 ah ‘International Childrens’ Day’ cu Kandawgyi Park, Yangon ah nomnak le cangvaihnak a phunphun thawn hman a si. Cun India ah Nov 14, 2013 ah tuah a si. India ahcun Pandit Jawaharlal Nehru, PM hmaisabik, ih suahcam hminsinnak ah tuah a si. Ziangahtile Nehru in nauhak pawl thansohnak, awngmin hlensuaknak le fimthiamnak sang zir ngahnak ding pawlah nasa zetin a tuahsak. Curuangah nauhak pawlin Chacha Nehru tiin duhkawh in an ko theu.
Kannih Christian kawhhran zate khalin nauhak pawl cu kan kilkhawi ih an thansohnak dingah tan ka lak cio. Nauhak pawlih thlarau, thinlung le taksa famkimten a thanglen theinak dingah tiin DBCF khalin Sunday School Department hrangah a hleice in kawhhran Bupi in tan a lak ih, cun zirhtu saya/ma le nu le pa zate, le department tin in lungrual zetin tan kan lak cio. Hihi zohthim a tlak zetmi a si. Tuni Nov 24, 2013 hi DBCF Sunday School Sunday a si. DBCF Sunday School Department hi din a si hnu Pathian in lamhruainak in kum 15 lai a rei zo. Kannih zumtu zate khalin nauhak pawlih thlarau rundamnak, taksa thanlennak le an fimzirnak a sang dingah zuam sinsin uhsi.
Nauhak pawl thawn a pehparmi tongfim pa 4 te a huailam ah kan zoh tlang pei:
1. Thlarau (soul) hi nauhak pawl umtudan in damtermi a si. (Mirang Thufim)
2. Nauhak pawl hi kan hrangih a hlubikmi thilsuak, natural resource, an si. (Herbert Hoover)
3. Fimzirnak diklo a zirtu nauhak cu nauhak hlo a si. (John F. Kennedy)
4. Nauhak pakhat na thawi hlanah, nangmah le mah mi nunrawng na si/lo fiangfel hmaisa ta aw. (Austin O'Malley)
Cun Bawi Jesuh Khrih in nauhak pawl a duhdawtzet thu Mat. 19:14 ah kan hmu thei. Amai hnenih ra dingin nauhak pawl cu a duh a si. Cucu nauhak pawlin rundamnak an co ding a duhsak ti a fiang. Nauhak duhdawttu Jesuh hi nauhak pawl tlunih kan tuanvo in khihhmuhtu le kan zohthim dingmibik a si.
(Chief Editor, Salai Thang Lian Mung)
No comments:
Post a Comment