DBCF Meifar, November, 2013. Pastor Sermon.

RUNDAMNAK, PIANTHARNAK, CU KUMKHAW NUNNAK A SI

Pastor Rev. Nehemiah Sui Nei Piang

           Christian kan sinak, Pathian fa kan sinak, ih a thupibik miangmo cu Pathian fapa zumtu in kumkhaw nunnak kan nei ti nan theihnak dingah hi ca hi ka ngan a si tiin I Joh. 5:13 sungah fiangten kan hmu. Kumkhaw nunnak ngah le ngahlo, neih le neihlo a fiang aw hrihlomi Christian ti aw kan tampilai. Cumi theifiang lo kan sile Jesuh ratnak, a thihnak san cu kan hrangah manneilo a si hrihlai.
          Mai fimnak, thiamnak, lennak, felnak, cahnak  thazang thawi rundamnak ngah ding kan si ahcun Jesuh kha leitlun ah harnak tintian tuar in thinglamtah ih thih a tul lo ding. Minung hi daan thlunnak le felnak ruangih thiamcoter a si ahcun Jesuh thihnak cu manneilo ah a cang ding (Gal. 2:21). Kumkhaw nunnak cu laksawng, thilthlawn pek, a siih tuanman a um lo. Alak ih pekmi letkhan, cohlang le rin ih thumawknak ih kan comi a si. Kan ti ve le tuahtuannak a tel lo.

1. Fapa a zumtu hmuahhmuah cu kumkhaw nunnak an nei. (Joh. 3:16;6,30)
2. An hnenah kumkhaw nunnak ka pe ih ziangtik hmanah an thi nawn lo ding. (Joh. 10:28)
3. Pathian pek zomi, zohman in an long thei lo ding. (Joh. 10:29)
4. Rundamnak cu a langte ih sansungmi a si lo. (I Thes. 5:9)
5. Rundamnak cu Pathian ih thilthlawn pek, alak ih pekmi laksawng, a si. (Eph. 2:8, Rom 11:6)
6. Jesuh hlanawknak cu kumkhaw daih a si. (Heb. 10;12-14)
7. Zum (rin) veten Thlarau Thianghlim hminsinnak khencih a si. (Eph. 1:13)
8. Jesuh in Vancung Uknak sungah himten a luhpi ding. (II Tim. 4:18)
9. Jesuh kan zumnak ruangah fa sinak kan co. (Joh. 1:12)
10. A zumtu (ringtu) cu thihnak ihsin nunnak ah a lut zo. (Joh. 6:14)

Unau, Pathian zangfahnak ruangih kumkhaw nunnak ding hrang Jesuh ih in pekmi hi na zum (ring) zo maw? Na hrangah Jesuh a thihsal nawn lo ding.
Siartu zate Pathian in thlawsuah lo pe cio hram seh. Amen.