Biazai

Thuantu Cabu

By: Mai Zilthli Lal Nei Thluai

Ca siar cun mi a tuah`ha thei,
a tuahse thei,
Na ruat ve dah maw?
Nang le kei cu miih siarmi
Cabu kan si,
Cangantu khal kan si.

Kan nitin thuanthu cabu sungah
Ziang thu pawl kan ngan?
Ziang cafang pawl kan hmang?
Ziang cati rawng kan hmang?
Zoh felsaal a rak `ul `heu...
Mi ih siar mawi lo teh,
a rak tel pang maw? ti’n.

Cahmai paziat kan ngan zo?
Cahmai paziat a tanglai pei?
Kutngan mawi khal a thupi,
Kan kutngan mi in an siar thiam lo pang ding.

Kan nitin thuanthu cabu ngan
kan `heh tikah,
Mi ih siartlak a si pei maw?
timi ruahnak thawn...

Nitin cabu ngan peh zawm vivo uhsi!
Nang le kei cu mi ih siarmi
cabu kan si.
.............................................................