DBCF Meifar (Vol.3, Issue 2), February, 2012
....................................................................................
PA, FAPA, THLARAU THIANGHLIM SAWMNAK
(Isai 55:1,John 7:37,,Thuphuan 22;17)
By: Rev. Nehemiah Sui Nei Piang
....................................................................................
PA, FAPA, THLARAU THIANGHLIM SAWMNAK
(Isai 55:1,John 7:37,,Thuphuan 22;17)
By: Rev. Nehemiah Sui Nei Piang
1. Pathian Sawmnak Hmanrua:
a. Tuarnak hmangin ... (Hose 5:15)
b. Pamnak hmangin ... (Amos 4:6)
c. A sersiam mi hmangin ... (Sm19:1-2)
d. Mang hmangin ... (Job 33:14-18)
c. Thuthangtha hmangin ... (2Thes 2;14)
2. Ziangruangah Vamram Lut dingih Sawm kan Si?
A... Leitlun a siatlai dingah ruagnah: Job 26:7 sungah leilungpi hi Pathian in tlolak parah a thlai men mi a si thu a sim. Isai 24:19-20 khalah leilung pi a siat ding thu le a phel aw dingih a tlu ding, a thosaal nawn lo ding thu a sim. Mark 13:31, khalah kan hmu ih 2Peter 3:7-10 khalah kan umnak leilungpi hi meisa ih ur dingah a hngah men mi a si thu a sim. A sersiamtu Pathian in rei a daih nawn lo ding ti a theihfiang ruangah. Kan kumkhua hmun ram ngaingai cu van ram lawng a si ti a fiangtuk ih cuih van ramzin zawh thei ding ah sawm kan si.
B... Minung Nun a Tawituk Ruangah: Heb.9:17 sungah Minung kut ih a sersiam mi pawl hi tluksiatnak ruangah leilung ih lakmi kan siih leilung ah kan kirsaal a ṭul ti hi in sersiamtu in a fiangtuk ih kum khawmi kan si lo zia khal theitubik a si ruangah sawm kan si. Zinglam ih a hlomi mangvek le thiamhrawlh vek le mero ra zam ih a hlosaal mai men vek kan si. Leitlun ah minung pawl hi kumkhua kan um lo ding ti hi in theihfiangtuk ruangah sawm kan si. Minung pawl hi kan thih ding tikcu le caan, khuitawk ah ziangnat in kan thi ding ti kan thei lo ih Pathian lawng in a theifiangtuk ruangah a sawmnak hi tui’ caan hi a si. Unau tu rori ah thi bangla khui lamzin na zawh ding?
C... Hremhmun a hartuk ruangah: Thuphuan 20:10-15 ah kan piangthar lo pang ahcun kan tuar ding har zia le rapthlak zia hi kanmah ai cun Pathian in a theifiang tuk. Thufim 15:24 ah hremhmun hi thuailam ah a um thu a sim ih Isai 5;14 ah a kautuk ti’n a rel saal. Cun Mark 9:48 ah meisa mit thei lo le lung thi thei lo umnak a si thu a sim. Judah 1:13 sungah khawthim sahtak a si zia a relfiangih hremhmun hi a hartuk ruangah hremhmun tuahtu in in duhdawttuk ruangah Vanram lamzin zawh dingih sawm kan si.
D... Jesuh rat caan a naituk ruangah: Mathai 24:5-7, 12, 32, ah Jesuh rathlan ih thil umtuzia pawl a sim. A sim vekin kan leitlun kan zoh tikah a thleng rero zo, raldonak awn thawm le natsia linghnin phunphun, pam le duhdawtnak khal a daituk thlang, leithlun thil thlengmi van le lei ah hminsinnak tamtuk a thleng zo. Jesuh a ṭum cing ding a si. NA RAL RING ZO MAW? Luka 21:11, khalah kan hmu thei ih. 2Peter 1:16 ah Jesuh rat ding thu hi phuahcop a si lo zia a dung rak thluntu Peter in fiangten in sim a si... TU RORI AH JESUH RA TUM TA SEH LA ZIANGTIN NA TONG DING? NA RALRING ZO MAW? leitlun kan kiangkap kan zoh saal asile raldo dingah an timtuah aw cupco laitak a siih hi pawl hin Jesu ṭum caan a nai zia a ti lang deuhdeuh ta. Cun Ephesa 5:15-17, ah mi-aa vekin um hlah uh mifim bangin um uhla kan san hi sansia a ti a si. Hih sawmnak pawl hi zianghman siar lo in um pang hlah.
Curuangah tihaal mi le ti in duhtu ngai- ngai cun hi PA, FAPA, THLARAU THIANGHLIM SAWMNAK... hi ngai poimawh in kan nunnak hring nun ih kan zawh rero lai mi kan cek-aw saal pei ih Vanram lamzin um cun PATHIAN zaangfahnak Rundamnak sungah kan kir saal cio pei... PATHIAN in Rundamnak sunglawitak cu kan tuahtham tel lo in a fapa Jesuh ah in pekmi hi zianghman pek ve `ul lote’n rak co hlang ve hram aw...
.......................
Editorcafung:
Tuṭum Editor cafung ah ka ngan duhmi cu Resettlement thuthawn pehpar awin a si. Hih thuhla hi felfai ngaingai a um hrih lo. Asinan Open House Meeting ih Chief of Mission rel dan vek a si ahcun Resettlement hi umtuk nawn lo ding vek a si. Delhi um pawl ih kan tithei umsun cu kan tlung saal ding maw, Delhi ah kan tang ding maw, Ramthumnak ih fehsuak ding tihi zohman ih rel theih a si lo ruangah Pathian rinsan in ke kan kar ding hi a si bik. Ahleice in Fimthiamnak lam hi ulukzet ih zuam ding hi kan mawhphurhnak saangbik a si. Pathian ṭihzah cuang lo le fimnak/thiamnak ziangtal kan neih cuang lo a si ahcun kan thlennak tinkim ah miih sal thotho kan si ding.
.................
Pathian Biak Daan Mawi le Ṭha
By: Upa Lal Biak Khum (Norway)
Thusimtu 3:1 Ziang hmuahhmuah in caan an nei ih,leilung tlun thil tinkim hrangahtikcu remcaang a um.
01. Caan hmangtu ding pawl hrangah:
(a) Biakkhawmnak ah:
Khawihmun khalah siseh Pathian biakhawm ding ih kan feh asile a hmun kan thlen tikah mahte ih thlacamnak neih hmaisak hi ti daan ding men si lo in thazaang kan ngahnak ding hrangah hlanawk hmaisak ṭheu ding a si.
(b) Tetti khan:
Mipi hmai ih tetti kan khan tikah kan rel/sim duhmi kha relsuah vukvi mai ding a si. Thil dang thawn cem ciamco lo thei sehla a ṭhazet. Tahthimnak ah Tet-ti-khaan phah ih hlasak cem, thlacam cem bawk, Bible siarnak caan sau ngaingai lak vek le sermon te thlak phah vek kha ti lo hram thei sehla; lungawi thu kan rel a si khallen kan lungawinak zawnte kha rel thiam a pawimawhzet fawn. Mipi zawnruat thiam phah ding a si.
Thlacam thu ah:
Thlacam ding ih sawm kan si tikah ziang hrang thlacam dingin in sawm ti kha kan cingkeng tengteng ding a pawimawh nasa. Hram thok thlacam lole a hlu hrang thlacam tampi a um thei ding. In sawmnak vekin cam mei ding a si ruangah thil dang rawibet ciamco lo a ṭhazet. Cule burpi i thla kan cam tikah a net khortu in sau ngaingai in caan hmang lo thei hram sehla a ṭha fawn. Rawl ei zik ih thlacamtu khalin rawlhmeh le tihang dai ko ih reipi thlacam lo a ṭhazet.
02. Khawmho ṭuanvo neitu hrangah:
(a) ... Khawm hruaitu hi a poimawh/thupit tuk ruangah program khal a hlankhante’n felfaizet in a rak timlam cia teng teng ding a si. Cun Khawm hruaitu cun amai’ sinak thei in ṭongtam tuk lo a mawi zet ‘A dungah sermon ding an umlai ruangah a si.’’ Mipi hmai ah a sing hrimhrim lo ding.
(b).... Thuthangṭha simtu a kawh tikah kan ratsan bik thuthangṭha kan ngai thlang ding ti lo a ṭha. Asan cu, thangṭhatnak hla in siseh, peknak le thuthangṭha ngai dingih feh kan si ruangah a si. Kan khawmsan cu tampi a um thei ruangah (fehsan bik) timi ṭongkam hman lo mei kha a mawi bik. Khawm ṭiakzikzawng ih hla kan hril tikah baannak hla ah ti lo hramhram thei sehla a ṭha fawn. “Hla phuahtu in baannak hla an phuah dah lo ruangah le thangṭhatnak hla a sisawn ruangah ... thangṭhatnak hla nambar cuzat kan sak ding” ti sawn ding a si.
03. Thuthangṭha simtu hrangah:
Thuthangṭha simtu ding cun a hlankhan ihsin Pathian hnenah thlacamnak thawn timlam awknak a nei cia tengteng ding a si. Mipi hnen ih thazaang petu ding a si tikah a hnen ihsin timlam awknak ka nei lo ih a tlacop kan ring ding timi ṭong- kam a suak ding a si lo. A tlacop ring hi fuh lo a tam sawn ringring ṭheu ti theih khal a ṭha. Cun a tikcu le caan in siseh a hmun ih zir khal in sermon thei a ṭha sinsin. Riahsiatnak hmu le lungawinak hmu khal ih thazaang pekawk daan theih thiam a ṭhazet fawn. A tlangpi thu in caan saupi (nazi pakhat) vek hman cu in hua uh tit hawn a bangaw zik zuakzo.
Tikcu caan kan hmangthiam ding hi kan Pathian in in duhsakzet ruangah le Amah kan biak daan ah mumal nei deuh sawn ih kan thiamtheinak ding duhsan ruangah a si. Kan biak kan Pathian hi ziangkim parih thu neitu a si ruangah kan biak daan ah ulukzet le thinlung ngai ih kan biak hi a phu hrimhrim a si. ..... Siartu zate parah Pathian in thluasuah pe hram seh.
.......................
By: Pi Hrang Tin Sung
Kan khua, kan ram, kan semnak hmun,
Ne Win uknak, Than Swe ih kaihhruainak;
Dodal theih lo, duh lo cingten tuar cuahco ṭul,
Tuar thiam a har, zalennak hawl in,
Khawhra ramkip ah kan tawi kan vak.
Vairam khawpi Delhi kan thleng,
Khawlai kan leng, picnic kan feh sightseeing kan ti;
Hmuh duh zohnuam leennak ding ṭha,
Hlahmi nei lawn mai’ khua le ram bang;
Duhtin ceen in caan kan hmang thei.
Kan cung Mangbawi kan biaknak hmun,
Zalennak bik ding kan Kawhhran ah;
Hohatnak le kaihhruai awk daan zohsaal kan ṭul,
Refugee dinhmun in thlengtertu;
NeWin uk daan ThanSwe ih aanaa kan zir ve maw?
Mipi le Pathian ih hril,
Kawhhran hruaitu ṭha Khrih ih siahhlawh;
Dungthluntu ke kholh sak ngam,
Tangdor nun le zawnruahnak nei;
Hruaitu ropi in neihter hram law.. Bawipa!
........................................................................
Kawlram Thantar Thar
Kawl ram thantaar a thar, ralkap pawlih tuahmi thawn pehparawin
simfiangnak: Thantaar puan phakpi ih a sawh duhmi cu rampi pakhat kan si
ti langternak a si.
Cumi puanphaah par ahcun rong (color) pali an ret...
1...
A tlun bikih a hring an hman/retmi cun Myanmar ram hi Buddhist ram kan
si ih Buddhist si hrih lo, tlangpar mi zaten Buddhist ah kan cangter
thluh ding tinak a si. Himi hi nasatein an cangvai ih an hlawhtling rero
zo... Tusun ah Chin nauhak 2000 lenglo cu Phungkipawl in an inn ah la
in tlawng an kaiter rero, an biaknak thu an zirh, an lu a kong, ih a
hrek cu puansen an sinter thei rero zo.
2...
A pahnihnak rong cu a hringmi a si, himi puan hringmi ih an sawh duhter
ve mi cu Myanmar cu: Ralkap kut ah thuneihnak sangbik a um ringring
ding tinak a si. Tu Thein Sein PM a tuan hnu khalah a hnatuan daan le
cangvaihnak tete hi a fehsanmi ralkappawl in thlingthla in comment an pe
phahphah theu. A dungah ralkap thuneihnak a umlai tinak a si cu.
3...
A pathumnak rong cu a sen a si. Himi rong sen ih khihmuh duhmi cu Union
of Myanmar hi thisen suak ih rak dinmi a si ruangah thisen a suak hnu
lawngah himi ram a phel ding tinak a si.
4...
Cule Thantaar laifang ih Arsi tumpi pakhat in a tumtahmi cu: Myanmar
sungah a tir ahcun miphun tampi kan rak um nain tu ahcun miphun pakhat,
Burma (Kawl) miphun, tong le nunphung lawng a um ding timi tumtahnak
thawn an tuahmi a si. Ahlan ih Thantaar ahcun fangcang vui kulhtu Arsi
pakhat lawng siloin Tlangpar mi (tang-yin-ta) zate kim in arsi thantaar
ah rak ret a si dah, tu ahcun pakhat lawng tumzetin ret a si. Cui Arsi
cu Thantaar puan phaak parih rong eng, rong hring le rongsen pawl parah
ret a si. Himi arsi cu Buma/Kawl miphun hmuhsaktu a si vekin Myanmar ah
Burma/Kawl lawngin biaknak (Buddhism), ralkap (politics) le cangvaihnak
ah hmai kan hruai ding ti langternak a si. Himi tla tampi an hlawhtling
zo kan ti thei.
Kan
Chin mino sungah mai' Chin tong, Chin ca, Chin hmin, Chin hla le Chin
nunphung hnakin Burma/Kawl pawl ih tong, Ca, Hla, Hmin le Nunphung uar
sawntu an karh vivo ih Chin ka si ti ding hnam dang lakah zahpi in 'i am
burmese (Burma lumio/ kawl miphun) ti awtu an tamzet zo. Curuangah
ziangtin kiangkap ah thli a hrang ti kan theih lawngah kekardan thiam in
a dik thei ding tiah duhsaknak thawn...
.......................................................................................... A vei (64)nak Lai Phunpi Ni
(64th Chin National Day @ CND)
Culawng si lo in kan Chief Guest H.T Sangliana (MP, IAS and Vice Chairman, Minister of Minority, Govt. of India) le Guest Honors pawl tla in kumdang vek si lo in program cemnet tiang in tawiawm ih bu a hlum duh nasa. Lam a phunphun le Zaihla mawi thawn a awitu pawl tla an ti thatzet. Security pawl tla a an `uanvo an nehzet ruangah buainak a um lo-nak tla a si. Police kawh `ul lote’n kanmah le kanmah kan kilhim aw thei hi thil mak pakhat cu a si. Himi CND hrang Lucky Draw zuar a siih tha petu mipi zate parah siseh, Kawhhran tin, Community tin le Organization tin ihsin sumpai thawhtu zate parah CND Cerebration Committee in lungawinak simcawk lo a nei a si. Chin National Day ah Cangan zuamawknak tla a um ih cunah a teltu hi mipum 4 lawng an si. An zuamnak parah kan lungawizet.
By: CND Celebration Committee
..........................................................................................
Lungawi le Sunlawihpinak
DBCF kan Mino rinsan mi Salai Ngun Kip Luai cu Pathian lamhruainak thawng in Immanuel Theological Seminary (ITS) Bible Tlawng ihsin February 22, 2012 Ni ah B.D (Bachalor of Divinity) Degree cu tluangten a laksuak zo a si. DBCF in himi Meifar Cazual hmangin Sunlawihnak le kan Lungawipinak kan langter a si. Pathian in minung mithmai zoh lo in Pathian mithmai zoh ih Tuukhaaltu ṭha a can theinak dingah Pathian in lam hruai vivo hram seh.
..........................................................................................
Tio Ah Mi 2 An Kap Aw That
Falam peng, Hmawngkawn khua ihsin Vangchhia ih vai zo, Pu Khaw Lian le Kawlrammi pakhat (Kara tiih theihmi) cu ni 23/2/2012 ah Vangchhia ihsin Local Council Vote thlak thluh veten, Mizoram le Chinram rit awknak Tio kap hrawngah ramtawi in an feh ih, tawkfang ah meithal zunhnih puak theih a si ruangah an vawng zoh ih an pahnih in, thi ih hmuh an si. Thu kan dawn bet daanah, Tio ih Pu Lalmuana, Lianpui (Mualbok) khua in, Thlamah an pahnih in thu kam el-aw in an ti buai aw ih, pakhattu in a kap! A thih cih lo ruangah a kap man ve ih, an pahnih in an thi veve ti a si.
................................................................
Delhi Kawhhran Pastor le Hruaitu
(...Kan dungthla ta a peh)
LFBC (9818356261 - Pastor)
1. Rev. D. Kap Thuan Thang - Ch. Pastor
2. Pu Thang Hlei Kap - Chairman
3. Pu Lal Tin Biak Cin - Secretary
GBC (Gospel) (9958422890- Pastor)
1. Rev, D. Mang Hrin Luai - Ch.Pastor
2. Pu Lal Rin Sawn - Chairman
3. Pu Thawm Dun Thang - Secretary
MCF (Mara) (9871571487 - Pastor)1. Pastor Lian Cung Thang - Ch.Pastor
2. Pu Khei Chhi - Chairman
3. Pu Beiza Chhi - Secretary
DCBC (9560639243 - Pastor)
1. Pastor David Ral Bik Mang - Ch. Pastor
2. Pu Than Bawi - Chairman
3. Pu Hu Lian Uk - Secretary
ZTCF (Zotung) (9810688616 - Pastor)1. Rev. Van Thawng Lian - Ch. Pastor
2. U PHua Ma - Chairman
3. U A Thia - Secretary
ZTCF (Zanniat) (8826433357 - Pastor )1. Rev. Thuah Za Thil - Ch. Pastor
2. Pu Saw Za Thang - Chairman
3. Pu Lian Kim - Secretary
................................................................................
Delhi Chin Christian Youth Fellowship
Himi Mino pawlkom hi 2010 ihsin kawhhran 4 kom ih din thok a si. Cun 2011 ah Kawhhran 6 a kim ih 2012 ahcun Kawhhran 10 komkhawm dingin tumtahnak a um nan remcaan lonak tete a um ruangah Khawhhran 6 thotho in pehzom a si. A telcia ihsin hrekkhat an cawl ih Kawhhran thar pawl an telbet ruangah Kawhhran pa 6 thotho ah a cannak a si. Kannih DBCF Mino cu tukum ihsin Kawhhranpi ih lungkim- pinak in kan tel ve a si.
2012 E.C
1. Ṭha Cung Lian (LCC) - President
2. Lai Thang Bik (LCC ) - Vice Pr
3. Van Kil Peng (CCF ) - Secretary
4. Thla Thang Lian (DCBC) - Asst Secy
5. Zing Vel Tha Hluan (CCF)..Trsr
6. Moe Nelly (CBC) - Asst. Trsr
7. Van Ram Eng (DBCF) - Finance
8. Lal Pek Thang (DBCF) - Auditor
9. Siang Ceu ( CBC ) - Auditor
Tumtah mi Pawl:
(1)Combine Service \
(2)Gospel Team
(3)Workshop Training
(4) Blood Donation
(5)English Service.
................................
Thuthan
Bupi thuthan:January 1/10 le khawm hlu:
1. JAP Veng Rs. 47,360/-
2. Budella Rs. 30,205/-
3. Sitapuri Rs. 11,670/-
4. Hastsal Rs. 10,045/-
5. Biakinn Rs. 810/-
7. Khawm hlu Rs. 3,585/-
Zatekom Rs. 1,03,675/-
Siangzet ih pek leh saaltu zate parah Pathian in a let tampi in thluasuah hram seh.
Crusade: Rev. Timothy Thian Nun Thang hmangin kan DBCF Biakinn ah Crusade Feb.27–Mar.4, 2012 (Mon-Sun) tiang a um ding. Sun zirnak (11:00am-3:00pm) Zaan khawm (7:30pm-9:30pm). Mipi kan zaten tel thei kan zuam cio pei. Hminsin: sun zirnak cu Feb.28 ni ihsin thok ding a si. Sun zirnak le khawmtu pawl hrang Bus Fare pek a si ding.
Member Thar: January thla sung member thar mi pa(12) an kim. Pathian in an tuah an thamnak ah thluasuah pe hram seh.
Nau Thar: January thla sungah Pathian thluasuah nauthar (1) kan nei a si. Pathian in thluasuah pe vivo hram seh.
Ramdang fehsan: Pathian lamhruainak thawngin Salai Van Lal Muan cu Australia ah Feb.22 ni ah a fehsuak zo ih damten a thleng zo a si.
Nubu Thuthan
January fangfai thuam le Lawmbawm: Budella (Kg.81, 3093/-), Hastsal (Kg.24, 1,550/-), JAP (Kg.88, 2740/-), Sitapuri (Kg. 26, 550/-), Asalatpur (Kg.11, 430/-). Petu zate Pathian in thluasuah pe hram seh.
Pulpit Pangpar: January 2012 Pulpit pangpar hlutu innsang pawl: Mai Dawt Hlei Par, Mai Thawng Nei Par, Mai Van Siang Par, Nu Ni Nei Kim, Salai Biak Lian Khum, Nu Ester Siang Em Par, Nu Thian Suah Hai, Nu Ngun Hlei Tlem, Nu Sui Dong, Nu Mang Kai, Dr. Run Bik, S/S Dept.., hlutu zate parah Pathian in Thlawsuah pek vivo hram seh.
Fund hawlnak: Feb, 11(sat) Ni ah Voksa zuar in Fund hawlnak kan nei ih in rak leisaktu member zate parah lungawinak tampi kan nei.
Mino Thuthan
Lungawi Thusim: Kan DBCF Nubu E.C Nu Sial Tin Par in DBCF Meifar Cazual hrang thlatin Rs.300/-, kumkhat hrangah Rs. 3600/- kimten in pek zo a si. Lungawinak tampi kan nei. Pathian in a tuan/thamnak parah a lettampi in thlawsuah pek hram seh.
Mino lungawi bawm: Thlahnih veikhat kan khon `heumi Mino lungawi bawm February thla kan khonmi kan ngahzat cu Budella Rs.2644/-, Hastsal Rs.790/- Sitapuri Rs. 600/- JAP Rs.2,984/- a si. Petu innsang ciar ah Pathian in thluasuahnak pek hram seh.
Mino Faith Promise: DBCF Mino in tukum sung Projector lei tumtahnak kan nei ruangah mino member zate hnenah zumnak thutiam (Faith Promise) tuah dingin sawm a siih a pekzotu le a tuah zotu tla tampi kan um. Cumi hrant Cahnah te kan zem ih a ngah hrih lotu pawl vengtin Mino E.C hnenah suthlam in mai ti theitawk te zumnak thutiam tuah cio dingin kan lo sawm.
Mino Member Cazin le Email ID: DBCF Mino innsang tin ah mino member cazin le E-mail ID lak a si. Member cazin kan lak ngah hrih lomi tampi kan um ding. Cazin lak ngah hrih lo pawl a ranglam in hmin pek dignin kan lo sawm a si.
.....................................................................................................
DBCF Meifar
Org. by:
D B C F Y
Since ...2010
Chief Editor:
Salai Thian Za Thang
Mb: 9560421325
J. Editor:
Lal Pek Thang
News Collectors:
Salai Pate / Mai Ṭialte
>>>>>>>>>>>>>>>>>>>>>>>>>>>>>>>>>>>>>>>>>>>>>
DBCF Meifar (Vol.3, Issue.1) January 2012
Editor Cafung: 2012 a hmaisabik DBCF Meifar cazual suah thei dingin lam in hruaitu Pathian hmin thangṭhat in um ko seh. A ngantu, a siartu le ṭuanvo neitu zate parah lungawinak simcawk lo kan nei a si. Culawng si lo in sumpai lam ih in bawmtu bupi parah kan lungawizet. DBCF Meifar thlatin suak cazual hi Online ah tla thlah a siih leitlun hmunzakip ihsin siar a si. Curuangah Pathian ih a lo pekmi Calai lam ih na fimnak Leitlun mipi hnenah va hlawm ve dingin kan lo sawm a si....
RAK THEI CIO UH LAW!
Delhi Burmese Christian Fellowship Women Wing,
Kum hleinga kim ve thlang ta ee;
Minung sisehla maw, a mawibik caan te,
Duhnungza zoh khawp lo hringtu nu le pa hrang;
Iangtu dang um nawn vek hlah.
DBCF(W) rak dintu sunlawihtlak nu rual tla,
Nan taanta mi nan hrinhniang te cun;
Nan hmin cawisang in nan sulhnu a thlun,
Duhdawtnak le lungrualnak kai hnget in;
Ruundamtu'i thuthangtha tlang a au pi.
DBCF(w) ih laiciin sempi te rual tla,
Zan mangah tal nan man dah hmang maw?,
Nan taanta mi DBCF(W) cun zuunngai le lileng in,
Thlua le tlang liam ih nan leennak hmun cio ah;
Lalpa'n thlawsuah lo pe seh tiin thlaza a lo cam sak.
......
MI PIANGTHAR TISA MI LE THLARAU MI
By: Rev. Nehemiah Sui Nei Piang
1. Leitlun thil an ngaina:
Rom 8:5a: Thlarau lam thil hnakin leitlun fimnak le lennak, ṭhansonak lawnglawng an ruat ih kan thih hnu ih kumkhua thil um daan ding an thei fiang thei lo a si.
2. Minung lungawi zawng lawng an hawl ṭheu:
John 12:42. Ka thil tuahmi ah PATHIAN a lungawi maw ti hnakin minung ih lungawi le lawmnak lawng an hawl. Minung mithmai zohtu pawl nun a si. Minung ih lawmnak le cawimawi awknak hi cu rei a daih lo ti kan fiang taktak lo ṭheu ruangah a si.
3. Minung ih lawm an beisei: John 12:43... “Thil ṭha kan tuahmi ah minung kan rualpi ih in lawm le cawimawi kan beisei cun nun hahdamnak taktak a um ṭheu lo.” Mi ih lawm lawng ih Pathian hnaṭuan le pek, thlacam mai hin rei a daih taktak ṭheu lo.
4. Thil ṭha a tuahmi a hmin sin ringring:
Luka 18:11.12. “Thil ṭha kan tuah mi kan theih ringring cun a tuah lo pawl le a pe thei lo pawl nautatnak ah kan hmang thei ih kan thil ṭha tuahmi hi mi thin bangnak ah a thlen thei a si.”
Piangthar Thlarau Mi Um Daan:
1. Pathian lam thil an ngaina:
Rom 8:5b “Ziangkim ah mi famkim lo kan si ti theih ih zumtu taktak mi piangthar pawl cun Pathian sunlawihnak ding lawng an thil tuahmi ah an ngai a si. 1Kr. 10:31. “Thlarau lam thil, thih hnu ih kan sunlawinak ding thil lawng an ruat ṭheu. A cem mai ding leitlun thil ah an buai paih nawn lo. Hi thu ah leitlun fimnak le lennak pawl hi kan hawl lo ding tinak a si lo ih a pakhatnak ah thlarau lam hril an ret tinak sawn a si.
2. Pathian lungawi zawng an hawl:
Eph 5:10, Gal 1:10, Ka thil tuahmi ah minung a lungawi lo khal le Pathian a lungawi cun a tawk ti a thei fiang.
3. A tuahmi tin ah Pathian sunlawinak a pe:
1Kr.10:31,2Kr.12:6. Minung sunlawinak ding men ah hnaṭuan lo in Pathian sunlawihnak ding lawng a hawl.
4. Thilṭha a tuahmi ah Pathian a thangṭhat:
Ephesa 5:20, Phi 1:9.10, Phi 4;13. Ziangkim kan tuahmi ahhin minung cawimawi aw lo in Pathian kan cawimawi sawn ding a si... damnak tuah theinak le tikcu caan ṭha in petu hi amah Pathian a si.
......
Delhi Burmese Christian Fellowship Women Wing
kum 15 a kim
kum 15 a kim
By: Pi Hrang Tin Sung (Nu President)
Kan seemnak Lairam taanta in hmuntin ramtin ah mi ziangmawzat cun kan hrang hmunnuam hawlin kan tawivak celcel. Mi ziangmaw zat cu India khawpi ah an rak thleng ih Pathian ṭihtu an rak si ruangah lungrual ten Pathian kan thangṭhat tlang theinak ding tumtahnak thawn 1992 kum ah DBCF an rak din. Tikcu caan a rung liam vivo ih Nu pawl khal hin kan theitawk ten rawng bawl ve sehla a ṭha ding tiin DBCFW cu January 25.1997 ni ah an rak ding ve. Khawmnak ding hmun hman an rak nei lo ih Pu Khi Mang teih inn luahmi ah zarhpi zaan tinte’n an rak khawm ṭheu. Cu tiih harsatnak lak ihsin a rak din thoktu le hruaitu upat tlak kan nu le pawl cu:
1. Pi Ni Chiar (Canada ) ... President
2. Pi Tlo Lang (USA) ... V. President
3. Pi Khuang Khuang (Canada ) ... Secrettary
4. Pi TaPaw ( Australia ) ... Assistance
5. Pi Ma Iang ( Canada ) ... Treasurrer
6. Pi Sui Hnem (Canada) ... Member
7. Pi Zo Nun Mawi (USA) ... Member pawl tla an si.
Pathian ih khawruah thiamnak a pek ruangah kum 15 kimnak tla kan lawm thei ih A Thu thangṭha tla kan phuang rero thei hi lungawinak ngaingai a si. "Pathian in mangbangza thil a tuahmi pawl tlang-aupi dingih hrilmi nan si"1Peter 2:9 a ti vekin kan theitawk in a Thu thangṭha aupi rero ding kan si.
Nubu rawngbawlnak bik cu fangthuam le lungawi bawm khawlkhawm ih harsa pawl tuarpi, lungawi mi lungawi pi hi a si. Nu tampi in "kei cu ka fale thawn, ka innsang thawn, ka buaituk lawmmam, ka man thei lo, zianghman ah ka san tlai lo" tihi kan ṭong duh bikmi a si ṭheu. Nu cu innsang hrang kan buai thei ringring cu a si zet ko na’n cuvek lak ihsin Pathian a ram karhzainak hrang a phunphun in rem in ruat sak. Rawl kan suan tinten thamkhat te kha Bawipa'i hrangah tiin vun tham ta awla a dangte’n khawl vivo aw. Cule nitin na lungawinak siar ringring awla "ka lung a awi" na ti tinten na neihmi sumpai sungin na siantawk te lungawi bawm ah rak thlak hnik aw.
Cuih a khawlkhawm aw mi pawl cun Thuthangṭha phuan le dam lo, mina. harsa, zuunngai pawl khal a tuarpi thei ih naute thar le mo thar tiangin a lompi thluh thei. Hitiih kan tuah ruangah tikcu a dangten a cemcuang lo. Cutiih na tuah ruangah ei ding na tlasam dah lo dingih na lungawinak a karh deuh deuh ding. 2Corin 9:7-8 "Lungawi aipuang te ih a petu lawng Pathian in a duh a si. Pathian cu nan `ulmi hnakih hlei in a lo pe theitu a si" tiah a ti. Unau! rak hniksak hnik aw. Peknak ih neh ban thei lo mi Pathian kan nei ti kha hngilh hrimhrim hlah.
Jesuh Khrih leitlun a lenlai ah a Dung.12 a hril ta. Cumi pawl cun Bawipa ih siahhlawh ka si tiin an phuang aw ringring ṭheu. Tuikum kum 2012 hrangah Pathian in a siahhlawh mi 13 a hrilsuak ih tu ih Nu pawl hi tuihlan Nubu hruaitu pawlih keneh thlunin ke kan kar theinak dingah duhdawtmi Kawhhran unau thlacamnak thawn in bawm dingah kan lo dil duh. DBCF nubu kum 15 kimnak ih a ra lawmtu zate hnenah Pa Pathian in lungdaih hnangamnak thlawsuah lo pe hramseh...
..............
2012 DBCF Hruatu pawl
Church Pastor : Rev.Nehemiah Sui Nei Piang
Bupi(Executive Member)
1. Dr. Run Bik ... Chairman
2. Upa Con Khuai ... V.Chairman
3. Upa Steven Ral Kap Tluang ... Secretary
4. Upa Run Sum Sin ... Asst. Scy.
5. Upa Myint Swe ... Finance Scy.
6. Upa Cin Lian Thang ... Treasurer
7. Upa Hrin Kam ... Auditor
8. Upa Tin Lian ... Member
9. Upa Hoih Lawm ... Member
10. Upa Van Bawi Kung ... Member
11. Upa Bawi Nawl ... Member
12. Upa Ni Lian Zual ... Member
13. Upa Tha Tawk Thang ... Member
Nubu (Women Wing)
1. Nu Hrang Tin Sung ... President
2. Nu Hram Tial ... V.President
3. Nu Ro Din Pui ... Secretary
4. Nu Sui Nei Ting ... Asst.Scy.
5. Nu Par Tha Chin Sung ... Treasurer
6. Nu No Tin Tial ... Finance Scy.
7. Nu Van Lal Hnem ... Auditor
8. Nu Lal Nun Kim ... Auditor
9. Nu Nei Thiam ... Member
10. Nu Ngaih Sang ... Member
11. Nu Sial Tin Par ... Member
12. Nu Cer Zi ... Member
13. Nu Run Nei Eng ... Member
* Upa Steven Ral Kap Tluang ... Advisor
* Upa Hoih Lawm ... Advisor
Mino (Youth Wing)
1. Salai Lal Sawi Ceu ... President
2. Pa Thian Za Thang ... V. President
3. Mai Judith Van Lal Hnem ... Secretary
4. Salai Lal Pek Thang ... Asst. Scy.
5. Mai Siang Men Thluai ... Treasurer
6. Salai Aaron No Hhlei Thio ... Finance Scy.
7. Pa Van Ram Eng ... Auditor
8. Salai Van Bawi Thawng. ... Auditor
9. Mai Roselyn Tha Hlei Tial ... (News collector)
10. Salai Tha Lian Thang ... Member
11. Mai Ram Cia Thluai ... Member
12. Salai Thang Lian Mung ... Member
13. Salai Henry Hrang Kap Hlir ... Member
* Upa Con Khuai Advisor
* Upa Bawi Nawl Advisor
Block leaders:
*Dawt Hlei Par, Judith, Mang Nun Piang
Sunday School:
1. Mai Siang Men Thluai (Superintendence)
2. Salai Van Bawi Thawng (Secretary)
............................
Bupi(Executive Member)
1. Dr. Run Bik ... Chairman
2. Upa Con Khuai ... V.Chairman
3. Upa Steven Ral Kap Tluang ... Secretary
4. Upa Run Sum Sin ... Asst. Scy.
5. Upa Myint Swe ... Finance Scy.
6. Upa Cin Lian Thang ... Treasurer
7. Upa Hrin Kam ... Auditor
8. Upa Tin Lian ... Member
9. Upa Hoih Lawm ... Member
10. Upa Van Bawi Kung ... Member
11. Upa Bawi Nawl ... Member
12. Upa Ni Lian Zual ... Member
13. Upa Tha Tawk Thang ... Member
Nubu (Women Wing)
1. Nu Hrang Tin Sung ... President
2. Nu Hram Tial ... V.President
3. Nu Ro Din Pui ... Secretary
4. Nu Sui Nei Ting ... Asst.Scy.
5. Nu Par Tha Chin Sung ... Treasurer
6. Nu No Tin Tial ... Finance Scy.
7. Nu Van Lal Hnem ... Auditor
8. Nu Lal Nun Kim ... Auditor
9. Nu Nei Thiam ... Member
10. Nu Ngaih Sang ... Member
11. Nu Sial Tin Par ... Member
12. Nu Cer Zi ... Member
13. Nu Run Nei Eng ... Member
* Upa Steven Ral Kap Tluang ... Advisor
* Upa Hoih Lawm ... Advisor
Mino (Youth Wing)
1. Salai Lal Sawi Ceu ... President
2. Pa Thian Za Thang ... V. President
3. Mai Judith Van Lal Hnem ... Secretary
4. Salai Lal Pek Thang ... Asst. Scy.
5. Mai Siang Men Thluai ... Treasurer
6. Salai Aaron No Hhlei Thio ... Finance Scy.
7. Pa Van Ram Eng ... Auditor
8. Salai Van Bawi Thawng. ... Auditor
9. Mai Roselyn Tha Hlei Tial ... (News collector)
10. Salai Tha Lian Thang ... Member
11. Mai Ram Cia Thluai ... Member
12. Salai Thang Lian Mung ... Member
13. Salai Henry Hrang Kap Hlir ... Member
* Upa Con Khuai Advisor
* Upa Bawi Nawl Advisor
Block leaders:
*Dawt Hlei Par, Judith, Mang Nun Piang
Sunday School:
1. Mai Siang Men Thluai (Superintendence)
2. Salai Van Bawi Thawng (Secretary)
............................
Delhi Kawhhran Pastor le Hruaitu
LCC (9560404543 - Pastor)
1. Rev. Johny Tial Awi ... Ch. Pastor
2. Pu Henry ... Chairman
3. Pu Duh Khai ... Secretary
CCF (9717361485 - Pastor)
1. Pastor Peng Uk ... Ch.Pastor
2. Pu Sang Vung Lian ... Secretary
The Truth (8527053372 - Pastor)
1. Rev. Zakiaua ... Ch. Pastor
2. Pu Vanlalzawma ... Chairman
3. Pu Lalnunhlua ... Secretary
Kachin (9871401307 - Pastor)
1. Pastor Sein Ram ... Ch. Pastor
2. Sara Gun Lar ... Chairman
MCF (9971332893 - Pastor)
1. Rev. Boi Kho ... Ch. Pastor
2. Zom Noeng ... Chairman
3. Zo Sang Lian ... Secretary
DMCF (9871571487 - Pastor)
1. Pastor Lal Lian Kung ... Ch.Pastor
2. Tawng Mang ... Chairman
3. Mawng Tu ... Secretary
Bethel AG (8527948711 - Pastor)
1. Vung Hau Thang ... Ch. Pastor
2. Thawng Mang ... Superintendence.
ZTCF (9810688616 - Pastor)
1. Rev. Van Thawng Lian ... Ch. Pastor
Hminsin: Kawhhran dang pawl cu next Issue ah pehsaal leh ding.
LCC (9560404543 - Pastor)
1. Rev. Johny Tial Awi ... Ch. Pastor
2. Pu Henry ... Chairman
3. Pu Duh Khai ... Secretary
CCF (9717361485 - Pastor)
1. Pastor Peng Uk ... Ch.Pastor
2. Pu Sang Vung Lian ... Secretary
The Truth (8527053372 - Pastor)
1. Rev. Zakiaua ... Ch. Pastor
2. Pu Vanlalzawma ... Chairman
3. Pu Lalnunhlua ... Secretary
Kachin (9871401307 - Pastor)
1. Pastor Sein Ram ... Ch. Pastor
2. Sara Gun Lar ... Chairman
MCF (9971332893 - Pastor)
1. Rev. Boi Kho ... Ch. Pastor
2. Zom Noeng ... Chairman
3. Zo Sang Lian ... Secretary
DMCF (9871571487 - Pastor)
1. Pastor Lal Lian Kung ... Ch.Pastor
2. Tawng Mang ... Chairman
3. Mawng Tu ... Secretary
Bethel AG (8527948711 - Pastor)
1. Vung Hau Thang ... Ch. Pastor
2. Thawng Mang ... Superintendence.
ZTCF (9810688616 - Pastor)
1. Rev. Van Thawng Lian ... Ch. Pastor
Hminsin: Kawhhran dang pawl cu next Issue ah pehsaal leh ding.
....
Nipi Tlawng (Sunday School) Thupitnak
By: Salai Thang Lian Mung
1. Kawhhran pi ih ṭuanvo: Sunday School hi Kawhhranpi parah a thumaw mi a si. Curuangah Kawhhranpi hi a thupibik miangmo. Sunday School ih ṭulsam mi Sumpai, hmuahmuah le thazaang pawl a zate in Kawhhranpi in a tawlrel thluh a ṭul. Cun SS cu a zohkhen ringring ding. A `ul ahcun Christian Education Department khal a din ding a si.
2. Saya/mah pawl ih tuanvo: Sunday School ah zirhtu Saya/mah pawl cun Bible thuanthu le Rundamnak thu, Pathian thu a phunphun le Pathian thang`hatnak hla, nuncan ziaza le umtudaan, Christiannak le Leitlun thuhla theih ṭul tete pawl tiangin Nauhak pawl zirh ding tuanvo an nei. Cuti ih zirh a ṭul tikah Cipciarzet in si lo in a tlangpi in zirh ding a si. Ahleice in Sunday ah a zirh tengteng ding a si. Nauhak an sinak zawn ah an Thlarau, thinlung, taksa kilkip ih an ṭhanso theinak dingih zirhtu dingah ṭuanvo an nei a si.
3. Nu le Pa pawl ih tuanvo: Sunday School zirtu nauhak pawl ih nu le pa pawl ih ṭuanvo khal a tum ngaingai a si. Nu le Pa pawl in kan falepawl hi Sunday School ah thlah tengteng ding a si. Veikhat kan thlah men lawng si lo in Sunday Zingtin ten Sunday School an fehnak dingah ngaihven ringring ding a si. Tlawngkai phunkhat thotho a si tikah a paih lotu nauhak khal an um ṭheu. Cuvek caan pawlah nu le pa in thlah dingin ṭuanvo kan nei. Cun Senior tiang an kai ding zat kai dingih thlah ding khal ṭuanvo kan nei ih thlacam sak ding ṭuanvo khal kan nei.
4. Nauhak tuanvo: Sunday School hi nauhak pawl ruangih a ra suakmi a si. Nauhak pawl in leitlun fimthiamnak hrang tlawngkai a ṭul vekin zumtu kan sinak zawnah Sunday School kai hram hram a ṭul a si ti lungput nei ih kai ding khalah upa zo kan zapi in ruahnak kan pek a ṭul. Nauhak pawl in an class kai ding zat a cem tiang kai ding ṭuanvo an nei. Saya/mah le nu le pa pawl ih thu khal an ngai a ṭul.
5. Kawhhran mipi ih ṭuanvo: Kawhhran mipi kan ti tikah a tlunih kan tarlang zo mi lakih tel lo pawl an si. Hrekkhat cu fala, tlangval an si thluh zo, hrekkhat cu fanau pawl Sunday School an kai thei hrih lo. Faate nei hrih lo, nupi/ pasal nei hrih lo ih mahlawng khawsak pawl le nauhak kilkhawi mi nei lo…. etc, an um ding. Cupawl khal in Sunday School cangvaihnak hrang thazaang, sumpai le thlacamank pawl thawn ṭanla dingin ṭuanvo kan nei a si.
Curuangah Atlun ih kan tarlang mi kan ṭuanvo cio kan neh ahcun Sunday School ruangah Pathian a sunglawi ding a si.
.............................
Internatioanal Conference Delhi ah Kawlram ihsin
Political Party 10 sunginCNPihsin aiawh 2 an ra
Kawlram ihsin acozah ih thlahmi Political Party 10 ihsin party pakhat ah Politician pahnih fingfing zate politician 20 cu Delhi ah International conference kai dingin January 28, 2012 ni New Delhi ah an ra thleng. January 29, hi Historic places pawl ah an leng ding. Cun Jan 30-31, ni hnih sung Conference an kai dingih Feb.1, 2012 ah Kawlram an kiir saal ding. Cumi Party 10 sung ihsin Laimi ai awh in CNP ihsin Pu Zo Zam le Salai Nhgepi tla an ra tel thei ih Delhi ih Chinmi hruaitu pawl thawn tong aw in Calai, Nunphung le thil dangdang pawl titinak neih a si.
Leitlun ih Mi niambik Jyot
Tu kum 2012 ih Leitlun nunau niambik (The world's shortest living woman) dang rasuak saal... Nangpur, India mi a siih a hmin cu Jyot a si. Kum (18) mi a si. 24.7 inches a sangih leitlun ih mi niambik Wold Records... a tling baan a si.
...............................................................
A vei (64)nak Laiphun Suah Ni (64th Chin National Day @ CND)
Tukum a vei(64)nak Laiphun Suah Ni cu Chin Student Union, CRC le Community zate lungrualten hohanak in Feb. 20, 2012 (Mon) Bindapur Hall ah sunglawizet ih tuah dingin timtuah a si.
CND hrang Luky Draw: Lucky Draw hi pakhat ah Rs.50/- lawng a siih mipakhat in hnah 3 a lei asile Rs.100/- lawng a si. Feb.10 netabik ni ah CUS President Salai Lai Tha hnenah ap theh ding a si. Community tinkim le Kawhhran tin ih Mino (Youth Department) ah zuarsak dingin kuat a si. Titheitawkte suah in hnam le miphun duhdawtnak thinlung thawn lei sak dingin zaangfah kan lo dil duh a si. Himi Lucky Draw kan tuahnak san cu: kan dungkum lam vekin innsang tin ah sumpai dil nawn lo ding tumtahnak ruangah a si. Kumtin CND hrang sumpai thawhtu zate parah CND Celebration Committee hminin lungawi thu kan sim.
Security: Himi Ni sunglawi ahhin zozokhal buainak um lo dingin mawhphurhnak kan nei a si. Chin mi in kan biak mi Pathian mithmai mawiter ding hi kan mawhphurhnak bik cu a si.
Cangan Zuamawknak : Tukum cu CND ah Cangan zuamawknak a um ding: (Essay: Chin Future @ Poem:Refugee Life). Mirang (English) le Kawl (Burmese) mai duhduh hmang ih ngan theih a si. Zuamawknak ih teltu pawl cun February 12 ni netabik bikhiah a si ruangah Computer ih nganmi catlap lole Email <64cnd2012@gmail.com> thawn Pu Van Hmun Lian (9810926855) le Salong (9899138581) hnenah ap a si ding.
Hminsin: Thuhla cipciar cu Kawhhran tin ah le Community tin ah than a si leh ding.
By: CND Celebration Committee
Tukum a vei(64)nak Laiphun Suah Ni cu Chin Student Union, CRC le Community zate lungrualten hohanak in Feb. 20, 2012 (Mon) Bindapur Hall ah sunglawizet ih tuah dingin timtuah a si.
CND hrang Luky Draw: Lucky Draw hi pakhat ah Rs.50/- lawng a siih mipakhat in hnah 3 a lei asile Rs.100/- lawng a si. Feb.10 netabik ni ah CUS President Salai Lai Tha hnenah ap theh ding a si. Community tinkim le Kawhhran tin ih Mino (Youth Department) ah zuarsak dingin kuat a si. Titheitawkte suah in hnam le miphun duhdawtnak thinlung thawn lei sak dingin zaangfah kan lo dil duh a si. Himi Lucky Draw kan tuahnak san cu: kan dungkum lam vekin innsang tin ah sumpai dil nawn lo ding tumtahnak ruangah a si. Kumtin CND hrang sumpai thawhtu zate parah CND Celebration Committee hminin lungawi thu kan sim.
Security: Himi Ni sunglawi ahhin zozokhal buainak um lo dingin mawhphurhnak kan nei a si. Chin mi in kan biak mi Pathian mithmai mawiter ding hi kan mawhphurhnak bik cu a si.
Cangan Zuamawknak : Tukum cu CND ah Cangan zuamawknak a um ding: (Essay: Chin Future @ Poem:Refugee Life). Mirang (English) le Kawl (Burmese) mai duhduh hmang ih ngan theih a si. Zuamawknak ih teltu pawl cun February 12 ni netabik bikhiah a si ruangah Computer ih nganmi catlap lole Email <64cnd2012@gmail.com> thawn Pu Van Hmun Lian (9810926855) le Salong (9899138581) hnenah ap a si ding.
Hminsin: Thuhla cipciar cu Kawhhran tin ah le Community tin ah than a si leh ding.
By: CND Celebration Committee
........
December 1/10 le khawm hlu:
1. JAP Veng Rs. 70,000/-
2. Budella Rs. 74,147/-
3. Sitapuri Rs. 12,930/-
4. Hastsal Rs. 11,320/-
5. Biakinn Rs. 2,910/-
7. Khawm hlu Rs. 7,391/-
8. Ram leng Rs. 2,000/-
9. Mission Rs. 24,250/-
Zatekom Rs. 2,04,948/-
Siangzet ih pek leh saaltu zate parah Pathian in a let tampi in thluasuah hram seh.
DBCF Tlawng:
DBCF Tlawng cu Jan. 16/2012 (Monday) ihsin on saal a siih tlawngkai caan cu 12:00-4:00 pm tiang a si. Fa le pawl tlawng kaiter a duhtu cun Dr. Run Bik, Saya Thang Lian Hmung, Sayama Khaing Khaing Htay le Sayamah Zo Par Iang (Nute) pawl hnenah thuhla suhhlam theih a si. Admission fees ah Rs.100/- a si ding.
Crusade:
Rev. Timothy Thian Nun Thang hmang ih Crusade cu Feb.27–Mar.4, 2012 (Mon-Sun) tiang a um ding. Mipi kan zaten tel thei kan zuam cio pei.
Member Thar:
December thlasung member thar mi pa(4) kan nei thei. Pathian in an tuah an thamnak ah thluasuah vivo hram seh.
DBCF Election:
2012 kumpi kumkhat hrang ih DBCF hruaitu pawl hril thar saalnak (Election) cu January 8 le 15, 2012 (Sunday) ah tluangten neih a si.
December fangfai thuam le Lawmbawm:
Budella (Kg.70, 3587/-), Hastsal (Kg.25, 1,370/-), Jewan Park (Kg48, 1,794/-), Sitapuri (Kg.24, 360/-), Asalatpur (Kg.11, 430/-). Petu zate Pathian in thluasuah pe hram seh.
Pulpit Pangpar:
December 2012 Pulpit pangpar hlutu innsang pawl: Pi Saw Hoi, Pu Ngun Hnin innsang, Ni Ni Hau Sum, Pa Lai Joshep te innsang in an fapa Jacob hrang, DBCF bupi le Nubu pawl parah siseh, Mawizet ih in ceisaktu pawl parah lungawinak tampi kan nei.
..
Mino Thuthan
Mino khawm :
2011 ah Mino khawm hi Nipi zing, Zingkhawm theh ah pehzom a si theu na’n tukum 2012 cu kan daan kel vekin Zarhte (Saturday Nigh) tinten Mino Khawm neih saal ding a si ruangh vengtin ih Mino pawl tanlak cio dingin kan lo sawm. A khawmtu pawl hrangah Budella veng le Hastsal veng hrangah mawtaw buatsaih sak a si dingih Sitapuri veng hrang Rickshow fare tum sak a si ding. A khaat tawk in Biakinn ih khawm ai ah Mino pawl in vengtin ah tlawn a si ding.
Projector hrang Faith promise:
Mino in tukum sungah Projector thazet Rs. 30,000/- lai lei ding tumnak kan neih ruang ah kan mino zate mai sian tawk suahin zumnak thutiam (Faith Promise) hrangah catlap te zem a si ding. Mai’ ti theitawkte siangzet ih tiam cio dingin kan lo sawm a si.
Youth Fellowship:
Youth Fellowship cu kum dang vekin thlali veikhat biakinn ah neih a si ding.
Dam lo hrang:
DBCF mino in kumdang vekin member sung ihsin dam lo Zato ih riahpitu nei lo le harsa zual um tikah theihtawk suahin tlawmngai suah a siih zozo khal bawm ṭul kan um tikah Mino President le Secretary lole E.C pa khatkhat hnenah theiter tengteng ding a si.
..................................
International Money Exchange Update
(Jan. 28, 2012)
* U S $.1 = Rs. 49.346
* EU E.1 = Rs. 65.221
* British £.1 = Rs. 77.686
* Canada $.1 = Rs. 49.297
* Australia $.1 = Rs. 52.642
* Malaysia R.1= Rs. 16.216
* S’pore $.1= Rs. 39.383
..
BY: Epal Tin Tin
“Ka Nu'ih Thucah” Na mit a mal hlan ah Bible tha ten siar aw.
( Study : siar menmen si lo in, siar, zir le nunpi )
“Ka Nu'ih Thucah” Na mit a mal hlan ah Bible tha ten siar aw.
( Study : siar menmen si lo in, siar, zir le nunpi )
.....................................................................................................
DBCF Meifar
Org. by:
D B C F Y
Since ...2010
Chief Editor:
Salai Thian Za Thang
Mb: 9560421325
J. Editor:
Lal Pek Thang
News Collectors:
Salai Pate / Mai Ṭialte
................................................................................................................................
................................................................
DBCF Meifar Vol (2), Issue(12b), 2011
Editor Cafung :
...... DBCF Meifar kumpi kumkhat sung in siar saktu zateparah siseh, Cahram January ihsin December, 2011 tu thla tiang, thlatin Pathian Thu in ngan saktu kan Pastor Rev. Hehemiah Sui Nei Piang parah le Biazai maw zetzet in ngan saktu Pi Hrang Tin Sung (Nu President) parah siseh, a caangcang ih cahram le thuthang, thuthan ding in kuat ṭheutu zate parah siseh, Ramleng ihsin Online in Cahram in kuat theutu zate parah lungawinak sim cawk lo kan nei a si. Pathian in kumthar sungah lungawinak, hnangamnak, daihnak, hlawhtlinnak thawn lo umpi cio hram seh ...
..............
Lungawi Thusimnak
2011 Sungah DBCF in Pathian zangfahnak maksak kan dawnmi le kan rawngbawlnak ka thlir saal tikah ka lungawituk ah ka mitthli a luan caan a tam. Pathian in thlaanmual sangkaa in khar sak le phu lo a duhdawtnak sungah in tlanglengter hi mak ka ti. Kawhhran Upa pawl in Pathian le member duhdawtnak taktak nei in le kei a Lo Ram sungih tling lo cingte in sawm dawl daan pawl khal hi leitlun ka dam sungah ka rul thei lo ding. Culawng si lo Nu Upa, Mino Upa, pawl khalin ti theitawk in DBCF hrang le Pathian ram kauh sinsinnak ah thazaang suah in nan ṭuanmi le bulpak in in zo daan pawl ka hmuh ah lungawinak tampi ka nei a si.
DBCF rawngbawlnak Sunday School Saya/sayamah pawl kan nauhak mi 124 lai kilkhawi sak ih Nipi zingtinte tho in an caan sunglawi an pek sian zia le DBCF an duhdawt zia ka hmuh hin thazaang tamtuk ka ngah a si.
Thlatin meifar sung ihsin thuthang ṭhaṭha le Pathian thu mi tampi hnenih ṭhehdarh dingih ṭan latu le caan sunglawi petu Chief Editor hnehah lungawi thu ka sim duh. Kawhhran tin ihsin thlatin a siartu le thapetu zate parah tla lungawinak simcawk lo ka nei a si.
Tui kum 2011 Sungih kan hlawhtlinnak le hmailampan ih ke kan kar thei vivonak hi DBCF Member kan zaten pekawknak phunphun ih kan `an rual ruangah a siih Sumpai in siseh, Thlacamnak in siseh, ka thanau caan le beidon caan khalih thahnem ngaitak ih in bawmtu le thazaang in pe ṭheutu le thla in cam sak ringringtu nan zate parah kaa ih sim thei lo mi lungawinak taktak ka nei a si. Ka tlin lonak in theithiam ih ziangkim ih DBCF member zate in in bawmnak le kan ṭanrual ruangah tuisun ni tiang lungawizet ih ke kan kar theinak a si. Pathian in sunlawinak hmuahhmuah co thluh seh law.... Rom 12:5 :Cubangtuk in kannih khal mi tam pi kan si na in Khrih thawn kan pehzawmawknak ahcun pumkhat kan si. Kan ruangpi ih taksa `hen pawl an pehawk thluh vekin kan peh aw thluh ve a si.
Hmailam khal ah DBCF Pathian in thawsuah pe sinsin seh... DBCF sungih Rawngbawltu hmuahhmuah le hmuntin kim ih kan member zate hnen khalah 2012 kum rori ah PATHIAN malsawm zatintian thleng hram seh.
Lungawinak tampi thawn... Rev.Nehemiah Sui Nei Piang (Pastor)
........................
Ramleng ih um DBCF Member pawl ih Cibai buknak .....
from.... Gabriel MoeMoeKyaw -Australia (DBCF Y Prisident hlun)
DBCF member zaten Bawipa Khrih hminin nan kut zaṭial ka lo kai. 2012 hi lungawi le sopar te in nan hman cio thei ka bei sei. 1Korin 6:19-20 -nak ih a sim bangin kan nunnak le kan taksa, kan thlarau hi kanmai ta a si lo ih Pathian ta a si ruangah kan nun in Pathian sunlawi cio uhsi! ti thei in, in neitu hrangah hmang cio hram uh ti ah ka lo sawm duh. Pathian hrangah tiin thinlung hmunkhat pu le lungrualte’n kan damsung caan tawite ahhin ṭuantlang in kum thar khal hmang tlang cio dingah ka lo sawm in ka ngen a si. Nan hmen ih tel tla ka cak ziangahtile DBCF vekih Pathian thu ah lungrul tak ih kekar tlang hi an vang nasa, nan cangvaihnak tinkim hi Pathian sunlawinak hrang lawngah si seh. Lungawi le nuamtak in Kumthar cibai ka lo buk a si.
.... from... Pu Hrang Hu @ Bawi Bawi pu (Canada)
DBCF Nan zate parah ka lungwi nasa. Khawitawk khalah um u sihla kan piannak vekin kei cu Delhi kha ka ngaina. Curuangah ka thinlung zate in ka lo hngilh lo. Kan Biakinn sungih kan khawmnak kha ka mitthlam in a cuang ringring. Zarhpi Ni a kimtinte ka lo hngilh thei lo. Thla in cam sak ṭheutu nan zate parah Bawipa thlawsuah lo pek seh law? Kumthar cun thinlung thar, ruahnak thar, damnak thar thawn Pathian in lo umpi hram seh tiin thlacamnak thawn cibai ka lo buk....
Lungawi Thusimnak
By: Rev. Nehemiah Sui Nei Piang (DBCF Pastor)
DBCF rawngbawlnak Sunday School Saya/sayamah pawl kan nauhak mi 124 lai kilkhawi sak ih Nipi zingtinte tho in an caan sunglawi an pek sian zia le DBCF an duhdawt zia ka hmuh hin thazaang tamtuk ka ngah a si.
Thlatin meifar sung ihsin thuthang ṭhaṭha le Pathian thu mi tampi hnenih ṭhehdarh dingih ṭan latu le caan sunglawi petu Chief Editor hnehah lungawi thu ka sim duh. Kawhhran tin ihsin thlatin a siartu le thapetu zate parah tla lungawinak simcawk lo ka nei a si.
Tui kum 2011 Sungih kan hlawhtlinnak le hmailampan ih ke kan kar thei vivonak hi DBCF Member kan zaten pekawknak phunphun ih kan `an rual ruangah a siih Sumpai in siseh, Thlacamnak in siseh, ka thanau caan le beidon caan khalih thahnem ngaitak ih in bawmtu le thazaang in pe ṭheutu le thla in cam sak ringringtu nan zate parah kaa ih sim thei lo mi lungawinak taktak ka nei a si. Ka tlin lonak in theithiam ih ziangkim ih DBCF member zate in in bawmnak le kan ṭanrual ruangah tuisun ni tiang lungawizet ih ke kan kar theinak a si. Pathian in sunlawinak hmuahhmuah co thluh seh law.... Rom 12:5 :Cubangtuk in kannih khal mi tam pi kan si na in Khrih thawn kan pehzawmawknak ahcun pumkhat kan si. Kan ruangpi ih taksa `hen pawl an pehawk thluh vekin kan peh aw thluh ve a si.
Hmailam khal ah DBCF Pathian in thawsuah pe sinsin seh... DBCF sungih Rawngbawltu hmuahhmuah le hmuntin kim ih kan member zate hnen khalah 2012 kum rori ah PATHIAN malsawm zatintian thleng hram seh.
Lungawinak tampi thawn... Rev.Nehemiah Sui Nei Piang (Pastor)
........................
Ramleng ih um DBCF Member pawl ih Cibai buknak .....
from.... Gabriel MoeMoeKyaw -Australia (DBCF Y Prisident hlun)DBCF member zaten Bawipa Khrih hminin nan kut zaṭial ka lo kai. 2012 hi lungawi le sopar te in nan hman cio thei ka bei sei. 1Korin 6:19-20 -nak ih a sim bangin kan nunnak le kan taksa, kan thlarau hi kanmai ta a si lo ih Pathian ta a si ruangah kan nun in Pathian sunlawi cio uhsi! ti thei in, in neitu hrangah hmang cio hram uh ti ah ka lo sawm duh. Pathian hrangah tiin thinlung hmunkhat pu le lungrualte’n kan damsung caan tawite ahhin ṭuantlang in kum thar khal hmang tlang cio dingah ka lo sawm in ka ngen a si. Nan hmen ih tel tla ka cak ziangahtile DBCF vekih Pathian thu ah lungrul tak ih kekar tlang hi an vang nasa, nan cangvaihnak tinkim hi Pathian sunlawinak hrang lawngah si seh. Lungawi le nuamtak in Kumthar cibai ka lo buk a si.
.... from... Pu Hrang Hu @ Bawi Bawi pu (Canada)
DBCF Nan zate parah ka lungwi nasa. Khawitawk khalah um u sihla kan piannak vekin kei cu Delhi kha ka ngaina. Curuangah ka thinlung zate in ka lo hngilh lo. Kan Biakinn sungih kan khawmnak kha ka mitthlam in a cuang ringring. Zarhpi Ni a kimtinte ka lo hngilh thei lo. Thla in cam sak ṭheutu nan zate parah Bawipa thlawsuah lo pek seh law? Kumthar cun thinlung thar, ruahnak thar, damnak thar thawn Pathian in lo umpi hram seh tiin thlacamnak thawn cibai ka lo buk....
;;;;;;;;;;;;;;;;;;;;;;;;;;;;;;;;;;;
(Sermon)
(Sermon)
ZUAM-AWKNAK THIANGHLIM (Pilipi 3:13)
By: Rev. Nehamiah Sui Nei Piang
Tui tum January 1. 2012, DBCF Meifar a siartu pawl hmuahhmuah nan zaten kumthar cibai ka lo buk, Rundamnak famkim in petu Pathian zaangfahnak zarin 2011 cu tluangten kan hmang cio ih Pathian hmin ka thangṭhat taktak a si. Tutum ih kumthar thucah ka sim duhmi le ruattlang dingih ka duhmi cu “Zuam awknak thianghlim” ti hi a siih zuamawknak thianghlim timi cu mah le mah zuamawknak hi a si. Ka Bible cang hrilmi cu: Philipi 3:13 “Ka u le ka nau pawl, cumi cu ka co ngah zo, ti’n ka ruat hrimhrim lo, ka tuahmi cu pakhat lawng a si; ka dunglam ih a luan cia thil kha hngilhsan tahratin ka hmailam ih a ummi kha ban dingah ka dawh aw rero a si.”
1.... A liamcia mi 2011 kum na hman daan ah na di a riam tawk maw? ... Taksa thlarau daan ih na tumtahmi paziat na tuah suak thei? ... Na tuah dingmi paziat na tuah lo? ... Na tuah lo dingmi paziat na tuah? ... Na caan vawiziat a lakin na hmang? ... mi thin naunak le beidonnak veiziat na rel? ... thuphan veiziat na relih mi paziat na bum? ... Na paisa a ṭul lonak ah ziangzat na hmang? ... Mi ziangzat na ngaidam? ... Ziang tuahnak ah na caan sunglawi na hmang tam bik? ... Na caan veiziat a lak in na hmang? ... mi paziat na bawm ih thazaang na pe? ... mi paziat mitthli na luangter ih na riahsiater? ... Pathian thin veiziat na hengter? ... na parih thil `ha lo tuahtu paziat na ngaidam? ... Na ti thei tawk te in PATHIAN hrang le na Kawhhran hrangah ziangtluk na pe aw?...
2011 sungah diriam takin ka caan ka hmang ngah titu hi kan um ka zum tuk lo, asinan 2011 kum sungkan ti ngah lo mi le kan hlawhsam mi tete pawl hi tui’ kum kumthar 2012 kum ah sunglawitak PATHIAN in in pekmi sungih kan hlawhtlinnak ah cang thluh hram seh law. Kan minung pi le midang innsang le mi Kawhhran, Fellowship zuam lo in kanmah le mah kan zuam aw thlang pei, 2011 ih kanmah le 2012 ih kanmah kha kan zuam aw ding. Mi kan zuam ih mi Kawhhran kan zuam pang a si ahcun kan cak deuh ih kan thei awk tikah mi kan nautat pang ṭheu ih, cun mi kan bang lo tikah kan riah a sia lala thei. Mi nautat le mihuat le pawrhawk hi cu lusfar lungput daan a siih satan thang sungih kan awhawk lonak dingah mi zuam lo in keimah le keimah ka zuam aw thlang ding a si. Cumi si Paul in a hmai lam thil um mi hi a dawh in ka dawh ih ka ban rero a ti vekin 2011 sungih kan tuah ngah lo mi tete pawl hi 2012 sungah tuahsuak theinak thazangthar PATHIAN in lo pe hram seh law.....
2... Kum 2012 sungah ziangtin caan hman na tum? ... 2012 sungah ziang tuah na tum? ... Kum 2012 sung na lamzin tluan feh dan ding na timtuah zo maw? ... Tusun kumthar duh umtak in petu kan PATHIAN hmin ka thangṭhat a si. Na piang thar hrih lo a si ahcun na pianthar kum si hram seh... na rawngbawl tambik kum si hram seh... na dam ṭhatbik kum si hram seh... na lungawi kum si hram seh... na duh bik mi na co kum si hram seh... Mi bawmtu kan si thei lo hman ah mi hrang hnaihnawktu le mi dotu kan si lonak dingah Pathian hnenah thazaang thar la in kan nun rem ṭha saal cio uhsi! mi hrang malsawm nu le pa va si vivo hram aw... leitlun kan damlai ih a rawng kan bawlnak pawl le a ram hrangih kan ti thei tawk te kan ṭan laknak pawl hmuahhmuah hi PATHIAN in in hminsin sak thluh a si....(Malakhi 3:16).
Tui tum Meifar siar tu nan zaten PATHIAN in malza tin tiuan in mal za lo sawm hram seh law.
....................
Thah Ding Ih Daan Tatawknak Cu Sual A si!
By: Salai Ukte
Thah dingih daan tatnak ‘death penalty’ hi ram tampi ah sekhaazet ih hman rero a si. A duh lotu ram `hen pawl cun damsung thawngthlak ti’n an ṭhum. Damsung thawnginn sungih um khal thah dingih dantatnak thawn thu hmunkhat a si. Theicing in nitin kum 50-60 sung an thi cuahco tinak a si thotho. Nunnak lak tiang cawhkuannak pekawk hi hremawknak menmen cu a si hrimhrim lo. Nunak cu Laksawng bangih pek a theih lo ruangah nunnak laksakawk ding cu thil dik a si lo.
Mi pakhat in pakhat a thah tikah khawtlang cun a thattu kha a nunnak lak sak ve dingah thuthluknak a tuah ṭheu. Kan thlir thiam maw? Mi thah cu sual rori a si ruangah mi thattu khawtlang (society) khal a misual mawh nei a si ve thotho ding. Tathimnakah, Mawh nei lo, pakhat cu mi pakhat in a that ta riai. A pawituk aw! tingaihnak a um nawn fawn lo! A thattu thah ti lo bak lamzin dang a um nawn lo, kan ti pang maw? Sikhalsehla a thattu kan thah tikah a thah mi pa kha a nung saal thei ding a si ahcun thah man um zia nei ngaingai a si ding. Asinan cuvek in a cang thei fawn lo.
Kum tin thawnginn tum sinsin in kan sak. Rorelnak fek sinsin, hremnak khal nasa sinsin in kan tuah asinan thawngtla an dem deuh cuang maw… thahawk a dem deuh cuang ti a um ngaingai maw? Minung nun thlengnak hi hremawknak le thahawknak a si ngaingai maw ti khal ruah sawn dingih thupi pakhat a si. Hih ca siartu lakah mi tam sawn cun “death penalty” pek lung- kimpi hrimhrim ding, cule mi that an dem deuh ding tiah nan ruat cio ding ka zum. Asinan kan pa Moses san ihsin ‘Eyes for eyes’ tiih kan leitlun kan feh vivo ahcun daihnak le remnak ngaingai a thleng dah ding ka zum hrimhrim lo a si. Death penalty (Tii-daan) hmannak ram ah misual an mal cuang maw ti khal ruah tlakzetmi a si.
------------
Herliam Maw Kum le Caan
Zing eng mawi in leitlun a run sun,
Zaihla mawi thawn van va in an awi;
Pangpar in an par mawi pharh in sunlawihnak an pe,
Zilthli neemte’n a hrang;
Thinghnah hring tla lungawi in an lam.
Christmas caan sunglawi a hung thleng,
Zumtu a mi le fa tla cun;
Kan neih Ro bawm le thinlung sangka ong in,
Hnipuan mankhung le thilthuam ṭha thawn;
Naute suak thar lawm in Biakinn kan pan,
Ruundamtu suah caan kan hmangliam.
Aliam aliam aliam vivo...,
Liam hrih hlah law kum le caan aw;
Ka lungthlitum a kim thei hrih lo tiin,
Lungkuai in hruum rero hman sehla;
Kir zai a rel duh nawm si lo,
Siang lo cingten mual in liam san.
Hmanseh sersiamtu’n rem a ruat,
Leitlun nomcennak ih hlohral in siang lo;
Thlawsuah malsawm donnak caan in pe,
Kumthar engmawi a parter;
Kan hrang caan sunglawi ti theithiam in,
Zawn in ruattu Cung Mang Bawi Thangṭhat cio uh si.
=================
Thlirlet saalnak
By: Paatee
Pathian zangfahnak in kumpi kumkhat cu kan hmangliam lala thei hi a ropi in a sunglawi. A liam cia caan ih kan tuah/ṭuan mi pawl hmuahhmuan thlirlet saal cu a awl lo tla a si men ding. Asinan kum 2011 sungih kan tuah/ṭuan mi pawl, ani/thla in kan thlirlet saal thei lo hmanah kumkhat sung kan tuah/ṭuan mi pawl ti zawng talin zohlet awsaal cio thei sehla.
Pathian rawngbawltu pawl in teh kan rawngbawlnak ah Pathian duhzawng in maw, kanmai’ duhdaan zawngin a rawng kan bawl tam deuh? Kawhhran le mipi hrang hnaṭuantu pawl in teh mah duhdaan zawng in maw, mipi duhdaan zawng in kan tuah/ṭuan tam deuh? Mai’ ṭanghma sial in teh kan cangvai tam deuh pang maw! kan caan hman daan hi rei lo te tal vun ruat aw saal cio thei sehla!
Kumkhat sungih kan tuah/ṭuanmi le kan um daan pawl hi thilri bangin tham theih le hmuh theih cu si theh hai sehla, kan tuah/ṭuan/um daan pawl ah A ṭha/Mawi lo/Mi hmai ih suahpi ngam lo pawl an si culci ding, a zum um! ... Kan thlirlet awsaal tikah mahlam ih ruahdaan/hmuhdaan le pom daan lawngin thlir awlo in mi ih ruahdaan/hmuhdaan ding le pomdaan ding lam khal in thlirlet aw thiam sehla, kan tuah/ṭuan mi pawl fiangten kan hmuthiam ding. A ṭhatnak ah neta cun tu hnakih thasin in, Zohmawilo le laktlak lonak ah remṭhat awsaalnak le ṭanlak saalnak ah, Lungtlin lonak ah zuam sinsin ding ah, cutin kan hmailam ih caan kan hmanlai dingmi hrangah kan Lungman khung ah cang hram seh!Kan pekawnak cio ah teh Satisfy le hnangamnak kan nei thei taktak maw?
......
Zookhal Pathian in mah le tawkten ṭangkainak nei in in sersiam. Curuagnah kanmah le ṭangkainak zawnte ah ṭanrual daan, hnaṭuan tlang daan kan thiam ahcun thil fate- zet khal thil tumpi ah kan tuah suak thei. Cucu Pathian ih thiltum a si. Cuvek thotho in mi pakhat in amai’ ṭangkainak zawn a thei aw lo ahcun ziangtinkim ah buainak thlentertu a si ringring ding. Mi zovek khal mah le dinhmun cio in kan hmaika ah Pathian in ṭuanvo in pe ih mawhphurhnak a ret fingfing. Cumi hmu thiam lotu hrang ahcun hmailam ih kan hmuitin mi cu kan dunglam ah a rak um zo tinak a rak si. Hlawhtlinnak ngaingai a rak um lo. Khawruahnak lawng ih hmuh theimi Pathian in ṭuanvo in pekmi talent cu ṭhangthar mino in kan nolai caan ah kan hmuh thiam a pawi mawh. Talent kan co mi hi Pathian sunlawinak le kan miphun damnak hrang theitawk suahin kan ṭuan a thupi fawn..
Khatlam zawngin kan sim asile kan pu le kan papawl cun kum rei in dampi’n in hruai thei nawn lo tikcu a thlen tikah, kan pu le kan papawl ih kenah thlun in a tlusia mi rem ṭha in, thudik lamzin ih in hruaitu ding cu tuihsun ih minopawl hi an si. Tusun ih mino cu thaisun ah hruaitu a si ding. Cuih mino cun a tikcu a thlenhlan ah fimthiamnak ah siseh, Khawtlang le Kawhhran ah pumpeknak thawn hmuhtheih lo mi tlanzuamawknak ah taimak a suah a ṭul.
.........
Information Teleology (IT) kan ti rero mi hi Kum reipi ihsin rak thok si lo in mani tihnisun ihsin rak thok fang; tuni ih kan hman rero mi a si. Leitlun ih website cakbik le larbikpawl kan zoh asile, kum 17 hnakih upa ngaingai an um hrih lo. Ahliece in ‘Facebook’ le ‘Google’ pawl tla hi kum 7-8 ih upa fangte an si hrih. Internet- website-thuthang site pawl ih rak suahkeh daan kan thlir asile lolam ngaingai, hnisuakza lamlam an si. Asinan, theithiamtu-pawl cun fimvartak in a hman daan an thiam tikah tuni ahcun cathiam, mifimthiam pawl ih pumcawmnak ah a cang suak thei a si.
Kan dunglam kum 20 hrawng ihsin email ID ka nei titu hi kan tam ciamco lo ding. E-mail hmang ih unau sungkhat kan pehtlaihnak cu mani fangte a si kha. Tuisan ahcun phone neih lo, Email account neih lo cu mibang lo tluk ah kan ruat thlang. Mi dangih an tuahmi kan tuah thiam lo le, kan neih ve lo ahcun mi hnufual, mibang lo cazin ih ret kan si ding ruangah santiluan ih in fehpi vekten cangvaih daan kan thiam a ṭul ngaingai a si. Mi’ thiam hnu ah thiamtu si loin midang an thiam hlan ih rak thiamtu si tla a ṭha ngaingai. Kan kiangkap ih an hman daan le an thiam daan tla zoh thiam in hmuhsuak le zirsuak ding zuam cio uhsi!
------------------------------
Laimi cu Laiṭong in biak aw uhsi:... Mirang cu mirangṭong in, Kawlcu kawlṭong in, Tuluk cu Tulukṭong in, Lai cu Laiṭong in biak ding a si. Laimi tampi in Laiṭong hi Biakinn ṭong tluk ah kan ruat ih biakinn ih Pathian biaknak fangah kan hmang. Biakinn leng kan thlen cun ṭong dang in kan biak aw celcel. Cutincun a ngah lo. Kan tonawknak tinkim ah Laiṭongte'n kan biakawk a ṭul. Culawngah kan ṭong a nung tata ding. Kan ṭong kan zahpi asilole kan uar lo a si ahcun kanmah sungah kan ṭong a thi ta ding...
.................................................
News:
Miss Venezuela pawhte cancer ruangah a thi:
Ref abc news:
2000 kum ih Miss Venezuela rak ngahtu Eva Ekvall (kum-28) cu pawhte cancer ruangah Dece.17, 2011 ah Houston ah a pasal le a fanu kum hnih mi a tansan a si. 2000 kumah kum 17 mi si in Miss Venezuela a ngah ih 2001 kumah Puerto Rico ah Miss Universe hril awknakah palinak tiang a rak ngah ban ve. Model le zuknung lam khalah hlawhtlinnak tampi a nei ih TV khalah thuphuangtu ah kum reipi ṭuan rerotu a si. A thihhlan ah cancer natnak thawn an buan (tuar) awk thu pawl famkimzet in a ngan man. Ekvall hi a nu Jamaica mi si in a pa hi America mi a si nan Venezuel mi ih ruat awtu khal a si. .
Tuluk mifim kum 7 sung thawngtla ding:
Tuluk Scientist hminthang Huang Kexue cun US company pahnih ih sumdawnnak thuthup a ruk suak ih zum (rinhrel) a si ruangah kum 7 sung thawngtla dingih a tlunah thuṭhensak a si. Huang Kexue cun Dow Agro Sciences in ramsa thahnak tur an tuah daan le Cargill company in ei in ding a tuah daan pawl ru in Chinese University le China ram ih National Natural Science Foundation a pe. Cargill company cun Huang Kexue ih ruk mi hi dollar million 12 man a si tin a phuang. Dow Agro Science cun a thilru mi hi tangka hnak in a man khung sawn tiah a sim ve. Court in kum 25 sung thawngtla dingin a thu a `hensak nan kum 7 sung thawngtla dingin rel saal a si.
Lu man Ting nga (Ks. 500,000/-:
Yangon khawpi, Hledan zin tonawknak kiangih mipi cawlhdamnak (rest room) ah December 28, 2011, Tlawngkai nithum ni ih bomb puak ruangah nunau pakhat a thi ih pakhat hliamhma a tuar. Bomb puaktertu pawl hi Thailand le Kawlram ramri hrawngah bomb thuhla zingzoitu an si. Mi pathum kai ngah zo in a dang pakhat kaih ngahnak dingah tangka ting 5 pek a si ding thu palik hotu hnen ihsin theih a siih tu ah an zingzoi rero lai.
Paisa Thleng niam ruangah Chin mi khualtlawng mal vivo:
Kum dang ahcun Cristmas boruak a tlen cun sumdawng khualtlawng pawl hi an tamzet ṭheu nan tukum Christmas cu kum dang bangin khualtlawng an tam lo, an mal zet. Tio lam sonak gate (check gate) ih hna a ṭuantu pakhat cun “Sum thleng a niamtuk ruangah si ding khualtlawng khal an mal nasa. Kum dang thawn a bang aw lo” tiah a ti.
India khawdai ruangah harsatnak le thihnak tiang a thleng:
India ram saklam cu khawdaituk ruangah motor, tlangleng lawng si loin vanzam tiangin buainak an tong. New Delhi khawpi sung khalah khawdaituk le mero tamtuk ruangah tlangleng 100 lenglo cu cawlhter a si ih a dang tlangleng 40 khal zindang zawhter a si. Mero ruangah Indira Gandhi International airport ihsin vanzam suak ding le ṭum ding pawl hrangah harsatnak nasazet in an tong. Khawdaituk ruangah Haryana, Punjab le Chandigarh state pawl ah mi 39 pawl ih nunnak tiang a cem phah thu theih a si.
Tusun Mino Thaisun Hruaitu
By: Salai Mazawn
Khua pakhat, Kawhhran pakhat ah nauhak an tam asile khua le ram, Kawhhran in ṭhansonak a pan hrelhhro tinak a si. Nauhak an tam le mino an tam ding ti a fiang. Mino an tam le ṭuantu an tam ding, cuih mino cu a hman daan kan thiam asile ram le miphun, Kawhhran kan ṭhangso ngaingai tinak a si. Thil ṭhazet pakhat kan nei nan a hmannak cang kan thiam lo si maw, a hmannak ding kan thei lo a si ahcun ziangvek thil ṭha nei khal sehla thil ṭangkai lo men a si.
By: Salai MazawnZookhal Pathian in mah le tawkten ṭangkainak nei in in sersiam. Curuagnah kanmah le ṭangkainak zawnte ah ṭanrual daan, hnaṭuan tlang daan kan thiam ahcun thil fate- zet khal thil tumpi ah kan tuah suak thei. Cucu Pathian ih thiltum a si. Cuvek thotho in mi pakhat in amai’ ṭangkainak zawn a thei aw lo ahcun ziangtinkim ah buainak thlentertu a si ringring ding. Mi zovek khal mah le dinhmun cio in kan hmaika ah Pathian in ṭuanvo in pe ih mawhphurhnak a ret fingfing. Cumi hmu thiam lotu hrang ahcun hmailam ih kan hmuitin mi cu kan dunglam ah a rak um zo tinak a rak si. Hlawhtlinnak ngaingai a rak um lo. Khawruahnak lawng ih hmuh theimi Pathian in ṭuanvo in pekmi talent cu ṭhangthar mino in kan nolai caan ah kan hmuh thiam a pawi mawh. Talent kan co mi hi Pathian sunlawinak le kan miphun damnak hrang theitawk suahin kan ṭuan a thupi fawn..
Khatlam zawngin kan sim asile kan pu le kan papawl cun kum rei in dampi’n in hruai thei nawn lo tikcu a thlen tikah, kan pu le kan papawl ih kenah thlun in a tlusia mi rem ṭha in, thudik lamzin ih in hruaitu ding cu tuihsun ih minopawl hi an si. Tusun ih mino cu thaisun ah hruaitu a si ding. Cuih mino cun a tikcu a thlenhlan ah fimthiamnak ah siseh, Khawtlang le Kawhhran ah pumpeknak thawn hmuhtheih lo mi tlanzuamawknak ah taimak a suah a ṭul.
.........
Kan I.T Hi !
Salai Youthlife
Information Teleology (IT) kan ti rero mi hi Kum reipi ihsin rak thok si lo in mani tihnisun ihsin rak thok fang; tuni ih kan hman rero mi a si. Leitlun ih website cakbik le larbikpawl kan zoh asile, kum 17 hnakih upa ngaingai an um hrih lo. Ahliece in ‘Facebook’ le ‘Google’ pawl tla hi kum 7-8 ih upa fangte an si hrih. Internet- website-thuthang site pawl ih rak suahkeh daan kan thlir asile lolam ngaingai, hnisuakza lamlam an si. Asinan, theithiamtu-pawl cun fimvartak in a hman daan an thiam tikah tuni ahcun cathiam, mifimthiam pawl ih pumcawmnak ah a cang suak thei a si.
Kan dunglam kum 20 hrawng ihsin email ID ka nei titu hi kan tam ciamco lo ding. E-mail hmang ih unau sungkhat kan pehtlaihnak cu mani fangte a si kha. Tuisan ahcun phone neih lo, Email account neih lo cu mibang lo tluk ah kan ruat thlang. Mi dangih an tuahmi kan tuah thiam lo le, kan neih ve lo ahcun mi hnufual, mibang lo cazin ih ret kan si ding ruangah santiluan ih in fehpi vekten cangvaih daan kan thiam a ṭul ngaingai a si. Mi’ thiam hnu ah thiamtu si loin midang an thiam hlan ih rak thiamtu si tla a ṭha ngaingai. Kan kiangkap ih an hman daan le an thiam daan tla zoh thiam in hmuhsuak le zirsuak ding zuam cio uhsi!
------------------------------
Kan Ṭong
By : Rev. Mike Zung Ceu
By : Rev. Mike Zung Ceu
Laimi cu Laiṭong in biak aw uhsi:... Mirang cu mirangṭong in, Kawlcu kawlṭong in, Tuluk cu Tulukṭong in, Lai cu Laiṭong in biak ding a si. Laimi tampi in Laiṭong hi Biakinn ṭong tluk ah kan ruat ih biakinn ih Pathian biaknak fangah kan hmang. Biakinn leng kan thlen cun ṭong dang in kan biak aw celcel. Cutincun a ngah lo. Kan tonawknak tinkim ah Laiṭongte'n kan biakawk a ṭul. Culawngah kan ṭong a nung tata ding. Kan ṭong kan zahpi asilole kan uar lo a si ahcun kanmah sungah kan ṭong a thi ta ding...
.................................................
News:
Miss Venezuela pawhte cancer ruangah a thi:
2000 kum ih Miss Venezuela rak ngahtu Eva Ekvall (kum-28) cu pawhte cancer ruangah Dece.17, 2011 ah Houston ah a pasal le a fanu kum hnih mi a tansan a si. 2000 kumah kum 17 mi si in Miss Venezuela a ngah ih 2001 kumah Puerto Rico ah Miss Universe hril awknakah palinak tiang a rak ngah ban ve. Model le zuknung lam khalah hlawhtlinnak tampi a nei ih TV khalah thuphuangtu ah kum reipi ṭuan rerotu a si. A thihhlan ah cancer natnak thawn an buan (tuar) awk thu pawl famkimzet in a ngan man. Ekvall hi a nu Jamaica mi si in a pa hi America mi a si nan Venezuel mi ih ruat awtu khal a si. .
Tuluk mifim kum 7 sung thawngtla ding:
Tuluk Scientist hminthang Huang Kexue cun US company pahnih ih sumdawnnak thuthup a ruk suak ih zum (rinhrel) a si ruangah kum 7 sung thawngtla dingih a tlunah thuṭhensak a si. Huang Kexue cun Dow Agro Sciences in ramsa thahnak tur an tuah daan le Cargill company in ei in ding a tuah daan pawl ru in Chinese University le China ram ih National Natural Science Foundation a pe. Cargill company cun Huang Kexue ih ruk mi hi dollar million 12 man a si tin a phuang. Dow Agro Science cun a thilru mi hi tangka hnak in a man khung sawn tiah a sim ve. Court in kum 25 sung thawngtla dingin a thu a `hensak nan kum 7 sung thawngtla dingin rel saal a si.
Lu man Ting nga (Ks. 500,000/-:
Yangon khawpi, Hledan zin tonawknak kiangih mipi cawlhdamnak (rest room) ah December 28, 2011, Tlawngkai nithum ni ih bomb puak ruangah nunau pakhat a thi ih pakhat hliamhma a tuar. Bomb puaktertu pawl hi Thailand le Kawlram ramri hrawngah bomb thuhla zingzoitu an si. Mi pathum kai ngah zo in a dang pakhat kaih ngahnak dingah tangka ting 5 pek a si ding thu palik hotu hnen ihsin theih a siih tu ah an zingzoi rero lai.
Paisa Thleng niam ruangah Chin mi khualtlawng mal vivo:
Kum dang ahcun Cristmas boruak a tlen cun sumdawng khualtlawng pawl hi an tamzet ṭheu nan tukum Christmas cu kum dang bangin khualtlawng an tam lo, an mal zet. Tio lam sonak gate (check gate) ih hna a ṭuantu pakhat cun “Sum thleng a niamtuk ruangah si ding khualtlawng khal an mal nasa. Kum dang thawn a bang aw lo” tiah a ti. India khawdai ruangah harsatnak le thihnak tiang a thleng:
........... Siartu zate Pathian in lo thluasuah hram seh ...........
DBCF Meifar
Tawlreltu:
D B C (Youth Wing)
Since : 2010
Chief Editor
Thian Za Thang @ Thang Kolh
Join Editor:
Salai Uk Lian @ Ukte
.....................................................................................................................................................D B C F MEIFAR
Vol.2, Issue (12)
December 2011
Special Christmas Issue
................................
Editor Cafung:
DBCF Meifar in Naute Suahcam kim lungawinak ah Christmas Cibai kan lo buk a si.... Tuthla December thlasung ahhin veihnih suah beisei a si. Tuṭum DBCF Meifar hi cahram dang zianghman kan tarlang lo... “Special Christmas Issue” in kan suah ih... mimal tin ih irawm suak Christmas kan hmuh daan, kan ruah daan, kan hngakhlap zia le kan hman daan tarlang a si. Himi hrangih Sermon, Cahram le mai irawm suak a ngantu zate parah lungawinak simcawk lo kan nei a si.
..........................................
Jesuh hmin panga
By: Rev. Nehamiah Sui Nei Piang (DBCF Pastor)
Tuṭum 2011 Christmas Issue hrangah Sermon tawite ngannak caan ka ngah ve ruangah lungawinak tampi ka nei. Kan thupi dingah Jesuh hmin panga pawl hi kan zoh tlang pei:...
Isaiah 9:6:
Kan hnen ah Naute a suak zo.Amah cu in uktu a si ding.
Amah cu mangbangza, remruattu, a cak mi Pathian, Kumkhua ih Pa,
daihnak Siangpahrang tiah kawh a si ding.
1. Mangbangza:
Leitlun ih thil um dah lo cu milai zohman amai’ tuahmi ah a cang ti hi a si. Pathian cu a sersiammi minung ah a cang ih Rundamnak in tuah sak. Nunau khal mipa cii tel loin nau an pai thei lo. Merry cu mipa cii tel riai loin nau a pai. Leitlun biaknak dang hmuahhmuah cu an pathian ah can an tum cio. Kanni Khristian pawl cu kan biakmi kan Pathian sawn minung ah a cang. Hihi biaknak dang thawn kan danglamnak cu a si. Profet Isaiah in a hmin ah Mangbangza Pathian a tinak khal a si ding ka zum. Pathian hriakthih David khalin Goliat cu lungto te in a neh mai. Hikhal hi mangbangza Pathian a sinak langtertu a si. Leitlun sa- khua dang pawl hi an pathian ni le puai an tuah tikah misual zovek khal in felfaitak in an um ih, an lawm cio. Kan ni zumtu u le nau, kan lawm mi Naute hi ruah ṭhat a ṭul. Mangbangza Naute cu a si. Zu le sa nomceennak men ih lawm ding Naute a si lo ti ka sim duh. Zumtu nitin kan nunnak ah mangbangza Pathian a sinak hi kan parah a lang cio dingkhal ka zum a si.
2. Remruattu:
David cu hriam naam zianghman a nei lo na’n, remruattu Pathian in rem a ruat sak ih Goliat neh thei mai. Zumtu unau leitlun kan damlai caan tawite ahhin kan `ulmi pawl Pathian in in remruah sak `heu a si. Kan neih lo, mangbang ih kan um caan le kan tlaksam caan ah remruattu Pathian hi kan sawm cio pei.
3. A cakmi Pathian:
2. Remruattu:
David cu hriam naam zianghman a nei lo na’n, remruattu Pathian in rem a ruat sak ih Goliat neh thei mai. Zumtu unau leitlun kan damlai caan tawite ahhin kan `ulmi pawl Pathian in in remruah sak `heu a si. Kan neih lo, mangbang ih kan um caan le kan tlaksam caan ah remruattu Pathian hi kan sawm cio pei.
3. A cakmi Pathian:
Filistin pathian hnakin kan Pathian a cah zia David ih nun ah kan hmu thei. Leitlun pathian hmuahhmuah hnakin kan Pathian a cakbik. Goliat mi cak cu Pathian cahnak a rinsantu David in olsamte in a neh mai. Kan mangbang, harsatnak, kan buainak tum taktak pawl le kan tuah dingmi pawl hi a cakbik Pathian cahnak thawi kan do ih kan rinsan thiam cun, Amah in in nehsak ṭheu a si.
4. Kumkhua Pa:
Leilung tlun ih in hringtu kan nu le kan pa cu a reihlan ah kan ṭahnak ah an cang in mual in liamsan mai ṭheu. Filistin pawl rinsan mi micak huaisen Goliat cu rei a daih lo, a thi mai. kanmah Christian Pathian lawng hi kumkhua rinsantlak Pathian a si. Kumkhua nunnak in pe theitu umsun khal a si. ...
5. Daihnak Siangpahrang:
Kan ram, innsang, Kawhhran, daihnak le remnak a um theinak dingah Jesuh hi a thupibik a si. Jesuh in Cross parah satan ral a neh ih zumtu pawl in lungdaih hnangamnak kan nei thei. Leitlun ih pek thei lo mi hnangam daihnak cu Jesuh lawngah kan co thei. Jesuh lo cun leitlun ah daihnak tak a um thei lo. Nan hnenah hnangam daihnak ka lo taanta, Keimai’ hnangamnak ka lo pek a si. Leilung mi ih pek vekin ka lo pek a si lo. Thinhar le vansang in um hlah uh. Nan thin khal phang hlah uh. tiin John 14:27 ah Jesuh in thu in taanta a si. ... Tukum 2011, December 25 Jesuh suah Ni cu Amah Pathian duhzawngin lungawi sopar ten kan lawm tlang pei. Pathian in hnangam daihnak nan zate parah lo pe cio hram seh.
............
RUALDUH RUATHNIK LAW!
By: Pi Hrang Tin Sung (DBCF Nubu President)
By: Pi Hrang Tin Sung (DBCF Nubu President)
Liamcia caan ih kan tuah kan ṭuan
kan cangvaihnak,
Kan mi kan zia langfiang tertu;
Tesinfa ih an rel dingmi,
Kan thuanthu...
A ralai ding kan hmailam caan,
Khui zin zawh in ziang dinhmun ah
ziang kan cang ding;
Theih cia um lo,
Thuthup hlir...
Kan hrang ṭhabik tu'ih kan nunnak,
Duhbang hman theih;
Sunglawi caan ṭha,
Zangfahnak laksawng kan dong cio.
Rualduh ruat hnik law,
Cuih caan tawite;
Na hman daan ziangvek a si?
...........................
An Palh Pang Ruangah
By: Rev. Run Cung Mang (Senior Pastor, LCF Malaysia)
Thil tipalh (mistake) timi hi mikip: mi-aa te ihsin mifimbik, mi nauta ihsin mi maksak le mi upa nunnak khal ah a cang thei ṭheumi a si. Mah bulpak nunnak, Kawhhran, Fellowship le Convention ihsin thokin miphun huap tiang mi pakhat, hruaitu pakhat in thu a ruat palh, a ṭong palh, ca a ngan palh, thu a zirh palh, thil a tuah palh pang asile buainak a suahpi thei. Curuangah raalrinzet a ṭul. Ṭuanvo fate nei khal in amah le tawkte’n raalrin a thiam a ṭul ih hruaitu sinsin cun nasazet ih raalrin a ṭul.
Matt. 2:1-12 sungah Nisuahnaklam mifim pathum ih thuanthu kan hmu. Ni le Thlapi, Arsi zoh thiam, mifim le milian, mi maksak an si ti cu Khrismas neitu naute Jesuh an ton tikih an pekmi laksawng zoh in theih thei a si. Khrismas Caan ah mifim pawl nun ihsin kan zir dingmi cu Rundamtu siangpahrang tong ngah ding rori ih an hawl le laksawng an kenmi hi a si. Asinan riahsiatza ngaingai a simi cu mifim pawl ih thil tipalhmi hi a si. Ziangso an palh? Lamzin an palh. A thokpek ih an hmuhmi Arsi thlun ringring loin anmai’ ruahnak hmangin an feh. Tusan mifimthiam hruaitu tla Bible le Thlarau Thianghlim ih hruainak hnakin, mai’ fimthiamnak rinsan in thiltuah an hman ruangah buainak an suahpi ṭheu. Mifim pawl in Jesuh an ton hnu an nun daan lamzin a danglam vekin kannih tla!
Mifim pathum in Van Arsi an thlun lo ruangah Bethlehem pan loin Jerusalem an pan, an palh pang. Mifim pawl ih tipalhmi ruangah Herod siangpahrang le Jerusalem khuasung mi thinhar in an um. Culawng si loin nauhak kumhnih tang tampi ih nunnak a hlo. A va poi ve. Mifim ih thil tipalhmi hi! Mi nauta ih tipalhmi in mi a siatsuah thei ko nain mifim ih tipalhmi cun ram le miphunpi tiang a siatsuah thei. ṭih a nungtuk.
.....
Matt. 2:1-12 sungah Nisuahnaklam mifim pathum ih thuanthu kan hmu. Ni le Thlapi, Arsi zoh thiam, mifim le milian, mi maksak an si ti cu Khrismas neitu naute Jesuh an ton tikih an pekmi laksawng zoh in theih thei a si. Khrismas Caan ah mifim pawl nun ihsin kan zir dingmi cu Rundamtu siangpahrang tong ngah ding rori ih an hawl le laksawng an kenmi hi a si. Asinan riahsiatza ngaingai a simi cu mifim pawl ih thil tipalhmi hi a si. Ziangso an palh? Lamzin an palh. A thokpek ih an hmuhmi Arsi thlun ringring loin anmai’ ruahnak hmangin an feh. Tusan mifimthiam hruaitu tla Bible le Thlarau Thianghlim ih hruainak hnakin, mai’ fimthiamnak rinsan in thiltuah an hman ruangah buainak an suahpi ṭheu. Mifim pawl in Jesuh an ton hnu an nun daan lamzin a danglam vekin kannih tla!
Mifim pathum in Van Arsi an thlun lo ruangah Bethlehem pan loin Jerusalem an pan, an palh pang. Mifim pawl ih tipalhmi ruangah Herod siangpahrang le Jerusalem khuasung mi thinhar in an um. Culawng si loin nauhak kumhnih tang tampi ih nunnak a hlo. A va poi ve. Mifim ih thil tipalhmi hi! Mi nauta ih tipalhmi in mi a siatsuah thei ko nain mifim ih tipalhmi cun ram le miphunpi tiang a siatsuah thei. ṭih a nungtuk.
.....
Christmas Ka Ngaih Daan
December 25 hi Christmas dik cu a si lo.... Mi ṭhenkhat cun Christmas hi December 25 a si ngaingai hmang kan ti. Jesuh Khrih ih thawhsaal nun nei lotu cu Christmas a hmang hrih lo.
Khristmas thei lo pawl cun Voksa, Cawsa le Arsa pawl in an hmang ciamco. A poi ka va te em!... Kumkhat veikhat lawng Khristmas an hmang ṭheu ding tinak a si cu! A va poi em ve aw....
Kumtin Christmas kan hmang. Sumpai tampi pi kan cem ṭheu. Na piangthar lo a si ahcun, Jesuh ruangah Pathian thawn nan rem-awk lo a si ahcun, Caw, Vok in Christmas na hmang men, Na piangthar a si ahcun Chritmas tak cu nitin na hmang ringring ti rak thei aw...
.........................................
Nu Ro Din Pui @ Puite (DBCF Nubu Secretary)
In rundamtu Jesuh suahcam lawmnak Ni ih kan hman mi Christmas Ni hi zo cio khal in nuamtak ih hman ding duh in kan tim tuah cio ding ka zum.
Kei ka diriamnak ve bik cu Jesuh suahcam lawmnak hla hi zanvar in biak inn ah lengkhawm in sak dutdo sehla ka diriam bik… Asinan kan umnak khua le ram ahcun cuvek cu a ngah lo…. Asinan a poi ka ti ve mi pakhat cu mipi tam sawn hi ruai theh caan ahcun kan ra thei ih... rawl kan ei thehah kan tlung thehih khawm caan ahcun mi malte lawng biakinn ah kan taang ṭheu hi a poi ka ti. Ruai `heh caan ih kan tam vek in khawm caan khal ah tam sehla ziangtluk in kan Bawipa Jesuh a sunglawi ding....
...................
Jesuh Khui ah a suak?
Jesuh Khui ah a suak lo?
Rev/ Mike Zung Ceu (FBC,Yangonm, Senior Pastor)
Bawi Jesuh khui ah a suak ti sehla cawrawl einak kuang sungah asilole caw-inn ah kan ti ding. Khui ah a suak lo ti sehla inn sungah kan ti ding. Luka in thuthang`ha a ngan tikah "Inn" timi ṭongfang a ngan tikah Greek ṭongfang phunhnih a hmang. Josep le Mary in nau neihnak ding inn an hawlnak thu a ngan tikah le Bawi Jesuh le dungthluntu pawl netabik zaanriah an einak ding 'Inn' thu a ngan tikah, "Kataluma" timi cafang a hmang ih Samaria pa in mina a hei retnak 'Inn' thu a ngan tikah "pandocheion" timi ṭongfang a hmang tiah an ti.
"Kataluma" ih sullam cu "luater/thlah" (to loosen/untie) ti a siih, "Pandocheion" cu "mizate cohlang thluh" (to receive all) tinak a si. Kum zabi pakhat lai ih Judah pawl ih innpi le caw-inn an sak daan hi ziangvek a si pei? Kannih Kawlram mi pawl vekin inn a dangte, inn ihsin a hlatnak ah caw-inn a dangte ti'n an sak pei maw? Caw-inn ah Jesuh a suak kan ti tikah inn thawn a hlatnak ah an sak mi thlaamte sungih a um mi caw-rawl einak ah a si ding tiah kan mitthlam ah a cuang ṭheu. Bawi Jesuh suah lai ah Bethlehem khua cu khuatumpi si hlah hman sehla, khua thupi le hminthang khua a rak si. Ziangahtile Siang-pahrang David suahnak khua a siih Josep ih suahnak khua khal a si. Cu- ruangah mipum siarnak, milu cazin pek ve dingin Josep te nupa cu Bethlehem khua ih an va tlunnak a si. 1900 kum ah Bethlehem khua ah mipum 4,000 lai an um ih 2007 ahcun mipum 40,000 lai an um ti a si. Laitlang thawn tahthim ahcun khua fate cu a si lem lo.
Bawi Jesuh ih rak suahnak Bethle- hem khuate cu tuini tiang buaipi zet mi a si rero ko. Kan Bawipa Jesuh rak suahnak caw-inn hminsinnak ih an sak mi Biakinn tla buaihnawh mi le thahawknak hmun pakhat ah a cang. Bawi Jesuh ih rak suahnak Caw-inn taktak cu ziangvek a rak si ti theih har si hmansela, " Jesuh a suak " timi cu a fiangmi a si. Baibal in, " THU cu MINUNG ah a rung cang" tiah a ti (Jn.1:4). Curuangah Vancungmi pawl in, " Pathian cu a sangbik van ah thangthat si ko seh" tiah thangthat hla an sak (Lk. 2:14).
Bawi Jesuh naute, leitlun a rungtum lai ah riahnak inn a rak co lo. Mifim pawl in a um ding tiah an hawlnak siangpa-hrang inn khal ah a suak cuang lo.Tuini ah teh kan leilungpi ah mi paziat hnen ah riahnak a tong pei? Khrismas puai a hmang rerotu pawl thinlung sung ah teh hmun a co ngaingai pei maw? Kum 2000 lenglo lai ih a rak suaktu Jesuh kha nunphung pakhat vek le tuahkeel daan pakhat vekin a suahnak thuanthu sim nolh aw saal rero men in, ei-in thawh-thaw eitlang in le hla sullam ruat thuk cuca lemlo in Khrismas carol hla sak rero men in kan lung a kim tawk ding maw? Na sung ah Jesuh hmun a luah ngaingai zo maw? Na nun a lo uk taktak zo maw? A thuneihnak tangah na nung taktak zo maw? In umpitu "Immanuel Pathian" a sinak tepngah in hnangam lungawinak na co ngah ngaingai zo maw? Bethlehem khua ih inn neitu pa, Jesuh tlunnak dingah innkhaan a rak pelotu pa vekin Jesuh ih suah lonak "Inn" vek kan si pang maw? Naute Jesuh in a suahnak dingah a hril lomi Herod Siangpahrang inn vek teh kan si pang maw? Jesuh suahnak maw na si?..silole...A suahlonak sawn?...
................................
Christmas hman daan ding
(Malaysia, Restaurant ih hnatuan rero)
....kan hna ṭuannak hi Christian an si lo ruangah Christmas ni cawl ding in siang lo... December 25 ih zumtu sungkhat unau pawl hnenah ka tel thei ve lo ding tih ka ruat tikah lei tisa lam in ka ruah tikah ka riah sia ngaingai. Malaysia ka rak thlen pek kan dung kum 2010 ah Social lam (commnunity ...etc...) lam caan ka pe deuh ruangah ka hnaṭuan ka pelh a tam. Curuangah ni kum Christmas ah tla ka boss nih caan in pe duh lo ruangah hnaṭuan ihsin ka suak cih... asinan thlacam nak thawn thinlung lam timtuahnak cu ka nei nasa...
............................
Salai Mazawn (DBCF Mino)
Suahcam Hmangtu (Mark 6;21-29)
Bible sungih suahcam hmangtu kan hmuh mi cu Herod Antipas ih suahcam a si. Herod Antipas in a suahcam ah Herodias ih fanu hnenah a dil mimi pe dingin a tiamkam. Hi suahcam an hman tikcu le caan ih thilthleng mi pathum:
Suahcam Hmangtu (Mark 6;21-29)
Bible sungih suahcam hmangtu kan hmuh mi cu Herod Antipas ih suahcam a si. Herod Antipas in a suahcam ah Herodias ih fanu hnenah a dil mimi pe dingin a tiamkam. Hi suahcam an hman tikcu le caan ih thilthleng mi pathum:
1. Herodias in a fanu hnenah Baptisma petu John ih lu dil ding ah a fial.
2. Herodias fanu cun Baptisma petu John ih lu a dil.
3. Herod in amai’ suahcam rori ah John ih lu cu a tan.
Hitei’ pathum ih suahcam hman daan hi a rapthlak in a fihnung um. Minunnak siatsuahtu an si. Rundamtu Jesuh ih suahcam ah mi riahsiatnak, buainak thlentu, thil ṭha lo mi fawrhtu le fihnungza ih hmangtu kan si ahcun kan hrangah a poizet ding. Kan tuhmi cii bangin kan aat leh saal ding.
2. Herodias fanu cun Baptisma petu John ih lu a dil.
3. Herod in amai’ suahcam rori ah John ih lu cu a tan.
Hitei’ pathum ih suahcam hman daan hi a rapthlak in a fihnung um. Minunnak siatsuahtu an si. Rundamtu Jesuh ih suahcam ah mi riahsiatnak, buainak thlentu, thil ṭha lo mi fawrhtu le fihnungza ih hmangtu kan si ahcun kan hrangah a poizet ding. Kan tuhmi cii bangin kan aat leh saal ding.
..........................................
Ma Pek (DBCF Mino)
Rundamtu Jesuh Khrih, Naute ih suah ni tak hi Bible ah ngan in um lo hman sehla, “CHRISTMAS” tihmi in leitlun ih miphun dangdang thinlung sungih hmual a neih daan hi mak ka ti nasa. MANGBANGZA PATHIAN a sinak fiangtertu pakhat a si in ka hmu.
....................................
Esther Huaino
(Kota ih hna ṭan phah Speaking zir phah rero lai, DBCF Mino)
(Kota ih hna ṭan phah Speaking zir phah rero lai, DBCF Mino)
Christmas caan hi ka hrangah a sunglawi hleice ih ka hngakhlap zet. Sunglawizet ih hmang thei dingin thinlung lam timtuahnak thawn... Ahleice in... thlacamnak thawn Pathian hnenah ka hlanaw rero.
..............................
Siartu zate, Christmas cibai ka lo buk. Lungawi soparten Christmas nan hmantlan khal ka beisei. Christmas thuthawn pehpar aw in thu mallai kan ruattlang pei.
Tuukhaltu pawl Mission (Lk 2:10-19).
Tuukhal pawl hnenih Thuthangṭha thlen daan hi cu a danglam deuh. Ziangruangah tile tuukhal pawl hi hramlak ih um ringring ṭheu an si ruangah an theihnak khal a mal deuh a si men thei. Curuangah midang hnakin Jesuh pian daan, umnak pawl le a itnak ding tiang in fiangzet ih sim an sinak a si. Cuvek ṭhiamṭhiam in, kan fimnak le thiamnak in rual a baan lo hmanah, kan theihthiam ding rori in thuthang`ha cu sim kan si. Tuukhaltu pawl cun thil`ha le robawm on ding an nei ve lo nan, an Mission an fiang nasa. An tuu pawl ziang an rak caang ding tilam hnakcun, naute Jesuh cibai buk ding ih feh kha a si.
Naute Jesuh hrang hminsin tlak thil tampi sung ihsin pakhat
Upa Lal Biak Khum (Borkenes,Norway)
Siartu zate, Christmas cibai ka lo buk. Lungawi soparten Christmas nan hmantlan khal ka beisei. Christmas thuthawn pehpar aw in thu mallai kan ruattlang pei.
Tuukhaltu pawl Mission (Lk 2:10-19).
Tuukhal pawl hnenih Thuthangṭha thlen daan hi cu a danglam deuh. Ziangruangah tile tuukhal pawl hi hramlak ih um ringring ṭheu an si ruangah an theihnak khal a mal deuh a si men thei. Curuangah midang hnakin Jesuh pian daan, umnak pawl le a itnak ding tiang in fiangzet ih sim an sinak a si. Cuvek ṭhiamṭhiam in, kan fimnak le thiamnak in rual a baan lo hmanah, kan theihthiam ding rori in thuthang`ha cu sim kan si. Tuukhaltu pawl cun thil`ha le robawm on ding an nei ve lo nan, an Mission an fiang nasa. An tuu pawl ziang an rak caang ding tilam hnakcun, naute Jesuh cibai buk ding ih feh kha a si.
Midang vekin sum le saw/ro ṭha kan nei lo a si hmanah, kan tikcu le caan a mai’ hrangih kan hman ih, fehsan ṭul a um khale, ralṭha tak ih kan fehsan ih amah sunlawih thangṭhatnak pek hmaisak hi kan ti ding khal a si ve. Jesuh thangṭhat sunlawih sirawtu an um dah lo. Cuhnu ah tuukhal pawl cu an tlung kir saal ih, an tuu pawl zuva in an rak dehsak ti kan thei lo. Bawipa hi sunlawih thangṭhatnak pe hmaisa phot mei sela, kilsak ṭul ringring kan ziangkim hi, Amah in himdamten in rak kilkhawisak mei. Ziangruangah tile, zumnak khal tuahnak a tel lo ahcun cui zumnak cu thi a si.
“...Na rel vekin ka par ah thleng seh.” kan ti theinak dingah le a tak ih kan tuah rori theinak dingah thuthangṭha rak siartu hmuahhmuah hnenah, Thlarau Thianghlim bawmnak le umpinak nan parah atu le kumkhua in hmun camcin hram seh.
...................................
Salai Cung Nawl Thawng
(Korea ih Ph.D zirlai)
.... in Rundamtu Bawi Khrih suah cam kan thleng saal lala ih ka lung awi tuk. Bawipa ka thang`hat ti lo cu sim ding dang ka thei nawn lo.
Culawng si loin Christmas caan ih ka rualpi le pawl ka tong ding caan ruat in hni suamso ten nitin ka um ring ring
.......................................................
Salai Thian Lian Thang @ Thianpi
(DBCF Mino)
X’mas ka hmuh daan cu, Lunglennak le lungawinak in ka hmu…. A hlaan ah innsungsang kimten hmunkhat, innsang khat, khawkhat ah sungkuaruun zaten thatho, nuamzet in le lungawi nak thawn phurzet in hmang kan rak um cio. Tu can Christmas Ni sunglawi ahcun mah le umnak cio in lungawi in le lungleng mitthli thawn kan rawn hmang……….. Unau nangteh Christmas ziangtin na rak hmang.?
....................................................................................
Henery Hrang Kap Hlir @ MaMa
(DBCF Mino)
Leitlun ih mi hmuah hmuah sualnak ruangih thi ding runtu dingah Pathian in a Fapa neihsun kan hrang ui lo ih in pek. A sunglawi tuk aw... Tu ah kan Bawi Jesuh minung vekin kan lakih a piancam kan thleng lala... hitivek ih piancam hmang saal thei dingin in hruai thlengtu kan Pathian cu mi phunkim ih thangthat in um ko seh …. A men……
...................................................................................................................................................
“...Na rel vekin ka par ah thleng seh.” kan ti theinak dingah le a tak ih kan tuah rori theinak dingah thuthangṭha rak siartu hmuahhmuah hnenah, Thlarau Thianghlim bawmnak le umpinak nan parah atu le kumkhua in hmun camcin hram seh.
...................................
Salai Cung Nawl Thawng(Korea ih Ph.D zirlai)
.... in Rundamtu Bawi Khrih suah cam kan thleng saal lala ih ka lung awi tuk. Bawipa ka thang`hat ti lo cu sim ding dang ka thei nawn lo.
Culawng si loin Christmas caan ih ka rualpi le pawl ka tong ding caan ruat in hni suamso ten nitin ka um ring ring
.......................................................
(DBCF Mino)
X’mas ka hmuh daan cu, Lunglennak le lungawinak in ka hmu…. A hlaan ah innsungsang kimten hmunkhat, innsang khat, khawkhat ah sungkuaruun zaten thatho, nuamzet in le lungawi nak thawn phurzet in hmang kan rak um cio. Tu can Christmas Ni sunglawi ahcun mah le umnak cio in lungawi in le lungleng mitthli thawn kan rawn hmang……….. Unau nangteh Christmas ziangtin na rak hmang.?
....................................................................................
(DBCF Mino)
Leitlun ih mi hmuah hmuah sualnak ruangih thi ding runtu dingah Pathian in a Fapa neihsun kan hrang ui lo ih in pek. A sunglawi tuk aw... Tu ah kan Bawi Jesuh minung vekin kan lakih a piancam kan thleng lala... hitivek ih piancam hmang saal thei dingin in hruai thlengtu kan Pathian cu mi phunkim ih thangthat in um ko seh …. A men……
...........................................................................................
Hming Than Zau @ Zaute
(DBCF Mino)
Jesuh Suahcam kan thleng leh saal zo...
(DBCF Mino)
Jesuh Suahcam kan thleng leh saal zo...
Daizirziar te thawn kan ni-khua...
Hnipuan thar mawite thawn.....
Kei ka thin lung...
Bethlehem ah hnopuan thar si lo....
Naute thawn ka si………
Naute thawn ka si………
...................................................................................................................................................
siartu zate parah lungawinak simcawk lo kan nei...
