DBCF Meifar, November, 2013. MYANMAR REFUGEE PAWLIH 2014 RESETTLEMENT DINHMUN

MYANMAR REFUGEE PAWLIH 

2014 RESETTLEMENT DINHMUN

By: Chief Editor, Salai Thang Lian Mung

          Myanmar Refugee dinhmun hi kan zoh ding a si ahcun hmunthen pa 2 in kan zoh a tul. Cucu South-
East Asia (Malaysia le Thailand) le South Asia (India le Nepal) pawl tla an si.
         
South-East Asia: Brunei-Darussalam, Indonesia, Lao People’s Democratic Republic, Malaysia, Mongolia, Pacific Island States, Singapore le Thailand pawlin 1951 Refugee Convention le 1967 Protocol hi an lungkim ve lo ruangah refugee pawl umnak thalo tiih hminsin a si. 2012 sungah  Malaysia ah refugee 15,813 cu UN card pek a si. Cun mi 10,489 khal cu resettlement lak an si ve.
          Malaysia ahhin Myanmar refugee an tambik ih resettlement khal kawh tambik a si ve. Cun Myanmar refugee pawl hi 2014 khalah tambik lak thotho ding a si. 2014 sungah Myanmar refugee lawnglawng 12,000 cu USA in a lak dingih a dang 2,150 cu ramdang in an lak ding. Cun Thailand ih um Myanmar refugee pawl cu tlunsalnak ding le an dinhmun thatsinnak ding zuampi rero a si ruangah  kumdang hnakin resettlement cu mal duehin kawh thotho a si ding.
         
South Asia: Bangladesh, Bhutan, India, Maldives, Nepal le Sri Lanka pawl hi refugee thu ih lungkim tlangnak 1951 Convention asilole 1967 Protocol ah lungkimnak an nei lo. India in refugee pawl cu  long-stay visas le work permits pawl pek ding policy thar an nei zo. Hivek in 2007 ah India in Afghan refugees a simi Sikh/Hindu pawl cu an ram ih hnamkhat dinhmun ah a pek zo. 2014 ah UNHCR in Sri Lanka, Pakistan le Myanmar refugee pawl cu resettlement tam deuh kawh a tul ding tiin a ti. Nepal ah 2012 ih case felfailonak tampi a um ruangah 2014 ah mal deuh kawh a si ding.
          July 2013 ah “India ah refugee 20,000 an um ih 3,800 in card an nei. Cun India acozah thawn health care, education, law-enforcement le justice system pawl thazetin kan bawm” tiin UNHCR cun a report. South Asia ah 2014 resettlement kawh tum zat cu case 2,091, mipum 10,249 a si. Leitlunpi UNHCR in 2014 sungah leitlun ih refugee 94,113 cu resettlement kawh dingin tumtahnak a nei.

Zohthimmi Website Pawl:
http://www.unhcr.org/51e3eabf9.html
http://www.unhcr.org/528a0a310.html