India Ih Mars Orbiter Mission (MOM) Thlirnak
By. Chief Editor, Salai Thang Lian Mung
India ISRO Chairman Dr. K. Radhakrishnan in, “Leitlun ah Mars mission 51 thlah a si zo nan culak ihsin 21 lawng hi an fuh. Atu India ih MOM in NASA Curiousity (atufang ih US ih Mars rover) ih hmuh/tonglomi pawl khal a hmusuak ding. NASA ih Mars mission hin Mars pumpi a huap theh thei cuang lo,” tiah a ti. India ISRO ih thlahmi spacecraft cu PSLV-C25 a siih Mars Orbiter Satellite, 1,337 kg rit cu a phur. Kapsuah a si hnu 44 min. ah leilung orbit ah a thleng. Cun Nov 5-30 tiang leilung cu a hel dingih Dec 1 ah helio-centric (sun-centric) ah a lut in, ni 300 a zuang hnu Sep 24, 2014 ah Mars orbit ah a thleng ding. Cuisin PSLV-C25 in orbiter cu a kapsuak sawng leh ding. Cutin thla 6 sung zingzoi dingmi pawl zingzoinak a nei ding.
India in hi mission ah sumpai Rs. 460 crore a cem ih a ti fuh ahcun India hi Asia, Japan le China in an ti fuh taktak lo ruangah, ah a hmaisabik Mars zingzoinak ih a tifuhtu record a tuah thei ding. (http://www.isro.org/mars/updates.aspx) Zohthimmi: Thuthang Ca le Internet Cahmai tampi.
No comments:
Post a Comment