UN Refugee Agency cu 14th Dec. 1950 ah a rak ding. Asan cu Leitlun ralpi vei(II)nak ruangah Europe ram minung pawl umnak nei lomi zohkhenhtu dingah tiih ruahsannak thawn rak dinmi a si. Cun Kum(3) sung hrang lawng ih rak dinmi a si. Asinan, 1956 Kum ah Soviet ralkap pawl in an ram ah Hungarian mipawl in
acozah donak an rak tuah ruangah acozah in mipi tamtuk harnak a rak pek ruangah hi Refugee Agency hi dinthar saal a si.
acozah donak an rak tuah ruangah acozah in mipi tamtuk harnak a rak pek ruangah hi Refugee Agency hi dinthar saal a si.
Cun UNHCR Headquarter cu Geneva, Switzerland Ramah a si. Cule Refugee Day cu June 20 ah siseh tiah 2000 (AD) kum ah an rak nemhnget. Sungtel(Members): UN Con- vention on refugee le 1967 Protocol cu ram 147 nih Sign an `hut. Asia in ram 11 nih Member si ding ah hmin an sign ih, ram 19 in an sign lo. Tuluk, Korea (S), Cambodia, Japan le Philippine rampawl in hmin an sign ih, Kawlram, India, Malay, Thai, Bang-ladesh, Singapore rampawl in hmin sign an `hut ve lo.
Hnatuantu pawl (Staffs): Tulai leitlun pumpuluk ah zung hna`uantu mipum 7,195 an nei. Ram 123 ah hna an `uan ih, Raltlan (refugee) mipum 10.3 million, umnak nei lo (homeless) IDP 15.6 million, ramah an khirh saal (returness) 2.4 million, ram nei lo (stateless) 6.5 million, le humhimnak diltu (asylum seekers) 980,000 lenglo an buaipi. Kum 2011 UNHCR Budget cu US$ 3.32 billion tiang a thleng. Cun UNHCR hin kum 1954 le kum 1981 ah Nobel daihnak laksawng (Noble Peace Prize) veihnih a rak dong.
Raltlan sullam: Raltlan sullam cu minung pakhat khat kha a ram uktuthawn Political, Religious, asilo le miphun fate sinak ruangah buainak tawng in an ram ah um ngam lomi, midang ram ah nunnak him duh ruangah a tlanmi le an ramah kir a duhnawn lomi pawl kha raltlan ti an si.
By: Mang Hlei Cung
No comments:
Post a Comment