THAH A TUM!!!
By: S.k.Conkiang
Mi thah timi hi rapthlak tak a si !!! A tuartu hrangah a poi ti lawng a si lo a thattu hi theih suah an si pang cun rapthlak takih hrem an si theu!!! Hi thu hi
mi tampi ih thei zomi a si ko na’n kan theih thar saal a tha. Fala hmelthazet a siih, mifim le feltak a si mi, a nuseu tei inn ihsin seilian a si. Nikhat cu tlangval hmel`ha thawn dawrah an hmu aw ih an ngai aw cih. Caan a hung rei vivo ih duhdawt-aw zetin an nei aw. An fapa duat neihsun a siih ahleice in a Nu hi tongkam neem hmang lemlo, tangdor hmaisak tum lemlo pawl a si. Caan a hung rei deuh cun Mo le a Nu karlakah remawk lonak a suak. Zohman tangdor hmaisatu si an tum fawn lo ih an buainak a sang sinsin. Nikhat cu an Mo in a nu tei’ inn ah va feh in “Ka pasal ih Nu hi ka tuar thei nawn lo, ka pasal le ka then siang fawn si lo, a Nu hi ka that ding” ti’n a sim. A Nu in “Nangmah na mawh sawn tla a si thei si, felten um tum hram aw” a ti tikah, Ka tuahmi ziangkim hi a thazawng ih hmuh a tum lo hrim hrim, curuangah thah mei ka duh” a ti.
mi tampi ih thei zomi a si ko na’n kan theih thar saal a tha. Fala hmelthazet a siih, mifim le feltak a si mi, a nuseu tei inn ihsin seilian a si. Nikhat cu tlangval hmel`ha thawn dawrah an hmu aw ih an ngai aw cih. Caan a hung rei vivo ih duhdawt-aw zetin an nei aw. An fapa duat neihsun a siih ahleice in a Nu hi tongkam neem hmang lemlo, tangdor hmaisak tum lemlo pawl a si. Caan a hung rei deuh cun Mo le a Nu karlakah remawk lonak a suak. Zohman tangdor hmaisatu si an tum fawn lo ih an buainak a sang sinsin. Nikhat cu an Mo in a nu tei’ inn ah va feh in “Ka pasal ih Nu hi ka tuar thei nawn lo, ka pasal le ka then siang fawn si lo, a Nu hi ka that ding” ti’n a sim. A Nu in “Nangmah na mawh sawn tla a si thei si, felten um tum hram aw” a ti tikah, Ka tuahmi ziangkim hi a thazawng ih hmuh a tum lo hrim hrim, curuangah thah mei ka duh” a ti.
A Nu cun thu thaten a ruat hnu ah “Na that ding khal asile tu ih na thah mei ahcun mitampi in nan remaw lo ti an thei si, rinhlelnak in an lo kai ngah thei ding. Curuangah na thah daan le na hman mi thil (evidence) hi lang lo dingin hitin ti aw: Thih-sii (Poison) danglam tak ka nei ih cuih thil cu an ei ihsin thlakhat a kim ni ah an thi `heu. A ei dingmi ah a thupten na rawi sak pei, cumi ihsin thla khat sung cu ziangvekih a lo ti khal le tongkam nemzet in, duhdawtzet vekin na umawter dingih duatzetin na cawm pei” a tiih lungkimzet in cuvek cun a tuah.
Tongkam neem le duatzet ih a tuah ruangah a pasal ih Nu khal cun rei lo te ah a lungkim tukih duatzet le duhdawt takin a zoh ve. Thlakhat a kim zik zawngah a Nu tei inn ah a va feh ih “Ka pasal ih Nu thihsii kan rak pek kha ka sir-aw tuk, in duhdawttuk ve thlang, a thih ding cu ka siang thei lo, a poi tuk, ka siraw tukaw!!!!! a ti. A Nu cun, “Hi cu ka theih cia mi a si ih, thihsii tiih ka lo pekter mi kha thihnak a si lo, Vitamin sawn a si kha, na riah sia duh hlah, Minung zokhal in mi kan va duat hmaisak cun reipi mi an hua peih dah lo, mi an duhdawt leh saal tengteng theu” timi ka lo theihter duh ruangah a si” a ti.....
No comments:
Post a Comment