DBCF Meifar, October, 2013. Nunau (Nauhak) Raltha Malala

Nunau (Nauhak) Raltha Malala

By: Chief Editor (Salai Thang Lian Mung)

Malala Yousafzai, kum 16, Taliban pawlin kan dungkum ah a lu ah an kap ih UK sizung ih a damsaltu, cun, “Taliban pawl hnakin, ‘thla,thlahrang’ ka tih deuh,” ti’n a sim. Malala in Presdient Obama cu 11.10.13 ni White House ah, US drone (mawngtu neilo raldonak vanzam) ih mi an that reromi hi cawl thlang uh,” ti’n a sim. Cun World Bank ah, “Terrorist pawlin mi pakhat ih ruahnak a danglamter thei ahcun kannih khalin kan danglamter thei ve. Cucu education (fimzirnak) in a si,” a ti. BBC hnenah, “Taliban pawl thawn remrel uh. Cuti lawngah Taliban pawl kan neh thei ding,” a ti.

Malala cun, “Nunau ka si hi ka lungawibik a si. Ziangahtile nunau pawlin leitlun kan thleng danglamter thei ti ka fiang,” ti’n a sim. Cun nehhnu ah Pakistan PM tuan in hlan PM hlun Benazir Bhutto vek si ka duh,” a ti.

Amai thuhla (autobiography)  a ngan ih cumi cabu cu Oct 18,13 ah Buckingham Palace ih Queen Elizabeth II hnenah laksawng a pe. 2013 Nobel Daihnak Laksawng a ngah lo nan European Parliment ih Sakharov Award, EU rights prize, le Canada acozah ih “Canada rammi sinak” a ngah. Taliban pawlih hringhronak tih loin a remcang le Pakistan ah ka tlungsal dingih Fimzirnak thupibik in fehpi in daihnak ka suahpi ding a ti.

(Thuthang Ca tampi zohthimmi a si)