VANCUNG AH KHAWL UH
(Nu Sial Tin Par)
Asile .... Ziangbik so kan khawl ding? Kan neih, kan ro, kan sumsaw thawn kan khawl thei a si. Tam petu cun tampi a khawl ih mal petu cun malte a khawl. Peknak ih hnatuan cu midang hrangah a sunglawizet. A co ngahtu pawl hrangah lungawinak in an khat ih Pathian an thangthat. A petu pawl hrang khalah lungawinak le thlawsuah donnak a si fawn. Vancung ih ro khawltu khal an si.Mat. 6:19-20 le Luk. 12:33-4 sungah Jesuh in, “Tlap le nget ih a siatsuah theilonak le rukru pawlin an bauh ih an ruk theilonak vancung ah nan sumsaw cu khawl sawn uh,” a ti.
Kan neihmi hmuahhmuah hi Pathian hnen ihsin kan donmi a si ti a theifiangtu pawl cun siang zetin peknak ih hnatuan hi nuam an tizet. Pathian hnen ih an pekmi hmuahhmuah hi ziangzat ka pek ti hman thei-aw loin, Pathian hnen ihsin an donmi lawnglawng an siar theu. Vancung ih ro khawl ti umzia cu ‘Peknak ih hnatuan’ tinak a si. Peknak ih hnatuan cu ‘Vancung ih ro khawl’ tinak a si.
No comments:
Post a Comment