DELHI GK
By: Chief Editor (Salai Thang Lian Mung)
2. Delhi ahhin mawtaw ting 80 hnakih tam a um ih kumtin ting 5 a thar a pung ringring. India ramsung ih mawtaw hlo tambiknak khal a si. India ramsung ah kumtin, Rs. 140 crore man, mawtaw 40,000 hnakih tam cu a hlo ringring ti’n NCRB cun a sim.
3. India Defense Research and Development Organisation (DRDO) in Delhi ah tuikum 2013 sungah minung ih umpi tul lo-in ral a do theimi ‘cet-minung ralkap’ (robotic soldier) nei thei dingin kumhra komkhat sung an zuam rero thu an than. An tumtahmi cu minung pawl bawmtu ding le nehhnu ah minung sawnih bommi si dingah a si.
4. Dehli ah nitin nauhak 14 cu a hlo ringring ti’n National Commission for Protection of Child Rights (NCPCR) cun a sim. 2011 sungah nauhak 3395 le 2012 sungah 3519 a hlo. Cu pawl lakah 38% cu anmah ten inn ihsin an suak. 21% cu nu le pa ih kawk le mawhthluk ruangah an tlan. 17% cu tlunnak ding lamzin an thei lo. 3% cu misual pawlih hruaihlomi an si.
5. Delhi le Noida ih mi zapi ih in reromi tidai thiang cu Bureau of Indian Standards (BIS) in 2010-11 sungah a cek ih sample, namuna, 190 ah 23 cu in dingin a thianglomi an si. 2011-12 ih an ceknak ah India pumpi sample 7732 ah 720 cu a thiang lo-ih, Dehli le Nodia ahcun 20% cu a thiang lo. Tuanvo neitu pawlin a thianglomi tampi cu an licences an cancel sak.
6. Delhi ah thuthang ca English in 2011 ah 117 a um ih 2012 ahcun 144 ah a pung. Cun Hindi in 2012 ah 431 a um ih 2013 ah 497 ah a thang.
7. Delhi ah 2012 ah cell ph 4.25 crore a um ih, 2013 ahcun 3.98 crore ah a tla. Cun landline phone cu 2012 ah ting 29.13 a um nan, 2013 ahcun ting 29.50 ah a thang.
8. Delhi ah minung ting 28 in kuak an fawp. Kum 30-69 karlak mithi zate ih mipa 20% le nunau 5% cu kuakfawh ruangih thi an si. kumtin kuakfawp kum 30-60 mi 2/3 cu an thi ringring.
(India Thuthang Ca & Internet Cahmai tampi sungta lawrkhawmmi an si.)
No comments:
Post a Comment