Oneness in Christ

Ziang Si a Thupibik?

By: Pi Hrang Tin Sung

 Ka vun thlir saal ka nun lamtluan,

 Lamsuk lamso, a kel a kawi;

Theihthiam a har,

Zanthim ih feh ka bang, Ka thin a buai,

Ka bei a dong, ka tap ka ruum;

Cutik caan ah,

Khrih ih tuarnak ka thei suak theu.

Ka suangtuahmi van bang a sang,

Ka tonmi lamzin, lei ka zoh ah a pit;

Milai lak ih minung,

suah man nei lo maw ka si ka ti,

Hmanseh zinkap ih pangpar mawite in;

Thazaang thar i neihter saal.

Nitin ke ka kar,

Lunghrawl hling le so lakah,

Zumtu unau pawl cun,Tongkam neemte’n in hnem;

A nung Pathian thu le,

thlacam saknak thawn,

Culak ah 'Hrang Tin Sung misualnu'

ti tong ka thei;

Ziang aw titha! Khrih lam pan in,

Ka phei hei khai hrih tento ko ning.

Ka hrangah ziangsi thupibik?

Solomon mifimbik cun, thil hmuahhmuah cu

Zianghman lo an si’ a ti.. ava dik ngai ve!

Thli dawi rero men ka si hi,

Nunsan dang neih ka duh nawn lo;

Amah rian ding le, Mangbangza a tuah mi,

Tlangau pi ding ti lo cu!

Pathian thang`hat in um seh!