KAWHKIR THEI LO MI KAN TIK CU LE CAAN THA (Thusimtu 3:1)

KAWHKIR THEI LO MI KAN TIK CU LE CAAN THA

(Thusimtu 3:1)

By: Rev. N. Sui Nei Piang

Pathian ih Tikcu Caan:

IIPeter 3:9-10, “Kan Bawipa Jesuh cu rukru bang in a ra ding. Mi Piangthar lo kan tamtuklai ruangah a ra hrih lo men a si. Tu hi kan hrangah Pathian zaangfahnak caan sunglawi a si. IIPeter 1:16 sungah Jesuh leitlun a rat ding thu hi phuahcop a si lo ti thu a dung rak thlun rerotu Peter in fiangten a sim. Matthai 24:5-32 le luk 21:11, 2Peter2:3 pawl khalah Jesuh rathlan ih thil thleng dingmi tampi an sim. Leitlun ah thilmak tampi; natsia a phunphun, paam le do-awknak a thlen ding thu kan hmu. Jesuh a ra tum cing ding. Na ralring zo maw?

Setan Tikcu Caan:

Setan tikcu caan khal amah setan in rei lote lawng caan ka nei ti a theih ruangah thinheng emem in zumtu lakah le zumlotu pawl lakah nasa tak in hna a tuan. Thupuan12:12. ah kan hmu thei.

Leilung Caan: 
Kan um nak leilungpi hi Pathian in tidai in a khawlhfai zo ih tu hi meisa in a khawlhfai saal ding thu 2Peter3:7 ah kan hmu. Kan leilungpi hi Pathian in vanpar ih a thlaimi a si (Job 26:7). Zuri vekih a tluk ding le a siatral ding thu khal Isai 24:19-20 ah kan hmu thei. Mark 13:31 ah leilung a siat ding thu kan hmu saal lala curuangah kan leilungpi hi a cemral ding le a siat ding ih meisa ih urkang dingin Pathian in a hngah men mi a si. ...unau leilungpi a siat dingih khui ah na relh ding. ...leitlun khui ram khalah relhnak le himnak a um thei lo ding. ...ziangtik khalih sia thei lomi Pathian Thu ah kan tlanlut cio pei...

Minung Tikcu Caan (Gen.3;19,Heb.9:27):
Pathian in a sersiam mi minung pawl a duhdawt zia le a ruah zia kan hmu thei (Job 7:17). Adam tluksiatnak ruangah minung hi beidonnak le thinphannak lawngin kan khat. Kan nun a tawi, kan thi. Bible sungah kan nun tawi zia tampi ah kan hmu (Saam90:5-6, Saam73:20,Job7:6,Job 9:25,Jem 4:14).

Thil dang cu a bung khal le kan sar saal thei ih tidai le tikcu caan hi cu sar saal a theih lo. Pathian pekmi kan tikcu le caan pawl hi man neizet le sunglawizet in kan hman ding hi a si. Ephe 5;15-17 ah kan caan neihmi mi-aa vekih hmang lo dingah in sawm. Minung pawl kan hmai ih in hmuahtu thil pathum. 1) Ziang tik ka thi ding? 2) Khui tawkah ka thi ding? 3) Ziangnat in ka thi ding? Kan taksa le kan nunnak hi rawl veikhat ei khal ih thi thei mai a si.

Tu caan hi Piangthar lo pawl pianthar caan a siih piangthar cia pawl A hnatuannak ih kan ti theitawk ih tel ve dingah caan tha kan neihmi um sun a si. Minung hi kan nui’ pumsung ihsin veikhat kan suak ih thlaan ah kan kir saal ding, kan thi mai ding a si. Milian mi fahrah thleidannak um lo ih Pathian in in pekmi kawhkir thei lomi kan caantha hi Pathian sunlawinak le um zia nei deuh in kan hmang cia pei. Tu hi kan caan`ha neihsun le umsun a si....