DBCF Youth Solfa Zirnak tluangten thehsuak (Sep.16)

Pathian lamhruainak thawngin DBCF Mino Solfa zirnak cu tuzaan ah tluangten thehsuak a si. 

 Lamhruaitu Pathian hmin kan thangthat ih a pahnihnak ah in zirhtu Zotung Christian Fellowship ih Nu President Pi Zai Rem parah siseh, Zirtu mino zate parah siseh, Bupi lam, Nubu lam in siseh, zate parah lungawinak tampi kan nei. Himi solfa zir sungah kan Pastor Rev. Sui Nei Piang in thok ihsin cemtiang in telpi thei ih kan bu a hlum nasa.

Lungawi thu kan sim leh duhmi cu... Solfa zirsung ah Refreshment hrang zonzaizet in in tlawmngai saktu Pu Kap Sang @ Isak Pa parah simcawk lo lungawinak kan nei a si. Cun... thlacamnak thawn in tanpitu zumtu ulenau zate parah kan lungawizet.

  

Lungawi thusimnak laksawng peklai.

Hrekkhat cu man lo ruangah le dam lonak ruangah a thok ihsin cemtiang an zirsuak thei lo nan... a netabik ni tiang zirsuak theitu Mino 50 lenglo kan kim thei. Tuzaan cu cem ni a si ruangah, Refreshment tla nidang ai in thaw deuh in Mino hruaitu pawl in tawlrel a siih, kan zaten kan nuam tlang ih kan phur tlang nasa.

Lungawinak tumpi thawn... 

DBCF (Youth Wing)

Mino President

Mino E.C le zirhtu