Rev. Sui Nei Piang hnen MCCF(USA) ih tuanvo an pek vekin
Delhi Kawhhran tin ih harsa pawl
kan Biakinn (DBCF) ihsin Buhfai a lak ih zem a si.
January 18, 2011 (Tue)
A hmaisabik ah Pathian hmin kan thangthat.
A pahnihnak ah USA ih um... Mitland Chin Christian Fellowship (MCCF) parah le hohatu U Duh Luai le U Cung Hlei Sang parah lungawinak simcawk lo kan nei a si. Inn hnen pawl rilrawng tihaal ih um ding siang lo in mai neih ih hlei si lo neihsunte sung ihsin duhdawtnak, zaangfahnak le zawnruahnak neitu Inn hnen tha MCCF a um hi cu a sunglawi tuk aw....
Delhi ah Chin mi 10,000 zik kan um ih cumi lakah hnatuan ih pum cawm thei hi a hrek hnak in kan mal. Ziangahtile boruak a siatuk tikah natnak a tam, cule nauhak hnatuan thei hrih lo an tam fawn.
Mahte hawl thei pawl cu a tlangpi thu in sun ah tuan ih ngahmi te thawn zaanriah hrang buhfai leicop ih a hleite khawl ih thlacem innsaan man pek a si. Dam lo le phei cun tingaihnak hi a um lo.
Innsan man pek thei lo tikah inn neitu (Vai pawl) in innleng ihsin kharhkhum, lole thilri hmuahhmuah innsungah taan in tawhhren sak, innsung lut thei loin an tuah theu.
Cumilai lak, thaithawh, zaanriah bufai suan ding nei loin mitampi kan umlai ah MCCF Pathian in a hmangih anmah ih ei ding le in ding siang lo in an innhnen Delhi ih um Chin mi rilrawng tihaal hrangah bomnak an kuat ih. Cumi bomnak cu Rev. Sui Nei Piang (DBCF Pastor) ih hohanak in Buhfai Kg. 2200 cu January 17, 2011 (Mon) ah leisuak a si.
Himi buhfai hi Kawhhran 11 sung ihsin an kawhhran ih Pastor pawl in harsa ciocio lak sung ihsin harsa zual deuh pawl (ramleng ihsin unau sungkhat bawmtu nei lo, nuhmei, hnatuan thei lo tiang ih dam lo) ti pawl hmin cazin an lak cio ih mipum 317, innsang in (innsang 80) pawl cu an tam le mal zoh in bufai Kg 50, Kg 45, Kg. 40, Kg.35, Kg 30, Kg. 25, Kg.20, Kg.15 tiin zem fingfing a si.
Himi buhfai zemnak cu January 18, 2011 (Tue) DBCF Biakinn pi ah Kawhhran tin ih Pastor pawl le kawhhran tin ih harsa pawl thawn Pathian hnen lungawi thusim tlannak le MCCF hrang Pathian in thluasuah a pek sinsin theinak dingah thlacam saknak neih theh hnu ah zemdarh a si.
Bomnak buhfai a ngahtu innsaang pawl cu Pathian hnen le MCCF parah lungawi thusim phah in mai umnak veng le inn ciarah an tlung. Cule a phurnak rickshow man nei lo venghla pawl cu rickshow man tla pek an si.
Lungawi Thusim, thlacam khawmnak ih telpitu Pastor le kawhhran pawl cu:
* Rev. Kap Thuan Thang (Living Faith Baptist Church)
* Rev. Van Thawng Lian (Zotung Christian Fellowship)
* Rev. Bawi Kho (Matu Christian Fellowship)
* Rev. Ram Lian Khar (Chin Believer Church)
* Rev. Tial Awi (Lai Christian Church)
* Pu Lian Ngaih Thang - Secretary
(Burmese Christian Association)
* Rev. Run Hnin (Zaniat Christian Fellowship)
* Rev. Sui Nei Piang (Delhi Burmese Christian Fellowship-hotu)
* Upa Ral Kap Tluang . Secretary (DBCF) pawl le bomnak ngahtu mipi biakinn sung khat thawn an si.
Tlawmngai ih Buhfai lei, zem ih hnatuantu pawl cu:
Hohatu Rev. Sui Nei Piang
DBCF Deacon upa sung ihsin
* Pu Con Khuai
* Pu Lal Sa Vung
* U Myint Swe
Mino ihsin:
Pa Thian Za Thang
Mai Judith
Biakinn hnatuan
Pu Kap Sang le Rawngbawltu Saya Mg Hla pawl an si.
Buhfai zemlai thlalak (photo)
MCCF Pathian in thluasuah pe hram seh
No comments:
Post a Comment