Oneness in Christ

DBCF Meifar Cazual

A suak lala zo

May - 2010 ....... Volume(1). ...Issue (5)

Editor Cafung

Mi pakhat hlawhtlinnak a ngah tikah

a dung lam ihsin soiselnak in a thlun ringring.

Soiseltu na si lonak dingah raalrin a tha...

Thu theih hngai lo ih aupi ciamco cu

mah le mah mualphoh-aw a si....

Thlacam taima pawl cun

an kaa ihsin tongsia suak ding hi an siang lo,

asinan kaa lawng ih Bawipa titu,

thlacamtu pawl ih hmurka in buainak a thok theu .

Duhdawtnak thu kan rel nasa nan

sum le pai harsat cun duhdawt awk ngaingai hi a har.

Kehlam kap te ih.. READ MORE...Click aw

MINO le PangparThusimtu 11:9

By ... Rev. Sui Nei Piang

Pangpar/papar khi ziangvek ih a parlai takah ha na duh? A par mawilai le a rimhmui laitak hi kan duh ih thil cei-mawinak ah tla kan hmang ih a rim khal kan hnim rero theu. A uai hnu cun thathnemnak a nei nawn lo ih kan hlon hmen theu.

Tui caan ah Mino na par thatlai hi ziangtin ha na hman? Na rimhmui te hi mi ih hnimtlak rimhmui a si maw? Na nolai caan hi leitlun nomnak le, zu le sa lakih na liamter men ahcun a poi nasa ding; Bawipa in kan nolai le kan thatlai hi hman in duh.

Cun kan nolai ahhin khua le ram, miphun le Kawhhran, kan ram kan tlang hrangah teh hmantlak mino kan si maw? Kan nolai kan tuan lo ahcun sir-awk man a tha hnem lo ding. Curuangah kan par thatlai hi Bawipa Pathian hrangih kan hman ahcun kan nolai can hmangthiamtu kan si dingih kan rim khal hmui tha le hnim tlak rim hmui a si thei ding. “Na nolai caan hmang thiam aw!” Rei na no nawn lo ding!

* * *

KEIMAH KA SI

By... Francis Lal Uk

* Pawlkom sungih mi ti buai ringring tu kha.
“Keimah ka si”

* Meeting tinte thubuai suah ringring tu khal..
“Keimah ka si”

* Fim aw terzet ih theihmi ngaingai neilo kha..
“Keimah ka si”

* Kaa lawngih 'ram le miphun hrang' ti ringring theu ih tuahsuak
mi ngai neilo kha..

“Keimah ka si”

* Dinhmun sang cuh ringring tu kha...........
“Keimah ka si”

*Kawhhran upa pawl le Mino upa pawl rem-aw lo dingih thusia
suah tu kha
“Keimah ka si”

* Group mail ihsin mi soisel le buainak suah theutu khal kha
"Keimah ka si”

* Hotu le rinsan mipawl a thupten relsia ringring tu kha
“Keimah thotho ka si”

*Ka thlennak tinkim ah miphun hminsia tertu ringring kha
“Keimah ka si”

Asi ! Ka pheh lo...Keimah ka si.

* * *

NU HMUAHHMUAH IH THEIH TUL MI

Mary H.Sui (CT)

Pasal nei zo ih fa nei zo pawl hrangah siseh, pasal nei hrih lo fala lai pawl hrangah siseh Numi a si mi poh in theih `tulmi le zir ding `tha ngaingai a si. Nu hi innsungsang ah an thupizet, faale pawl influence theitubik khal nu an si ih, faale thuzirh theitubik khal nu an si. Nu in innsungsang ah thil titheinak tampi a nei. Nunau an lo ti ruangah na nau hrimhrim lo sokhaw, leitlun ah na thupituk ti thei aw! Thil tampi na tuah theimi a um, nangmah le nangmah kha zum aw hram aw! Confidence (zum awknak) nei aw!

Betsy Holton Moody (Dwight L. Moody ih Nu) cun…

• A fale pawl thinlung a neh.
• A fale pawl thawn ziangkim a tuah thei.
• A fale hmai ah mit-hmai pan te le nuamzet in a um ringring.
• A fale pawl parah a phunzai dah lo.
• A fale pawl thu zirhnak ah Bible a hmang.
• Mi farah pawl a inn ihsin lawngte’n a kirter dah lo.
• A fale pawl kimte’n an um hlan ah an inn sangka cu a khar dah lo.
• Midang pawl ih relsiatnak le donak a ton tikah “Pathian ka rinsan” a ti.
• Nutling a sinak cu a faale pawl `thanso/pitlingnak ding hrangah `tuanvo a

laak `theh.
• Nitin tein a fale pawl Bible thu a zirh.
• A fale pawl hmuahhmuah in a nu hnenih um hi nuam an tibik ih an ngai

bik `theu.
• A fale pawl an itthat hnu ah a tho saal ih a fale pawl hrangah thla a cam

sak theu.
• Taimakzet in a fale pawl hrangah thla a cam.
• Hni siamsi tein ziangkim a tuah.
• A fale pawl thil `tha an hril theinak ding hrangah tha a pek, a zirh.
• A tuahmi hmuahhmuah a `thabik si dingin a tuah.

D.L Moody cun hitin a ti…

• Ka nu hi leitlun ih nu `thabik a si.
• Ka nu hi mifimzet a si.
• Ka nu vek hi leitlun ih nu pawl si thluh sehla thawnginn a `tul lo ding.
• Pathian thlawsuah siar lo ahcun ka nu ih thlawsuah hi a pakhatnak ah ka ret, ka duhbik.
• Thuzirhnak, nunsimnak, thapeknak, ruahnak pek ka tul tik poh ah ka nu

hnenah ka feh `theu.
• Ka nu vek nu neih hi cu a sunglawituk, a `thatuk.
• Ka nu hi leitlun ah nu `thabik a si.

* * *

Yangon Mingalar Bazaar Pi a kaang

Kan duhdawtzet mi kan Kawlram ih Khawpi Yangon hi ram nuam le rammawi, boruak tha tiih mi hmuahhmuah ih sim le rel mi a si. Hivek kan ram ah a um hi cu kan hmaihgalpi nasa. Asinan kan ram uk-awknak a that lo ruangah kumtin deuh in sunralnak, siatsuahnak hi a um ringring. Riahsiatza ngaingai a si. Atu tum ih a kaang mi r*Fvmaps; hi kan ngainazetmi le thil man olnak hmun, bazaarpi a si. 4th floor ih Clinic pawl tla cu Kawlram pumpuluk Sii le Vai pawl peknak hmun pi bik a si. Ahleice in Rangon ih thanglian le Rei deuh um pawl hrangah lungngiahnak tumtak a si.

A kang daan thuhla tawi:

May 24 zinglam 8:20 hrawng in a kaang thok ih May 25 zaanlam 6:00 lawng ah a mit thei lai. Cuhman cu Ruah takzet ih a sur ruangah a mit thei fang cu a si. Pathian ih khawkhaan kan ti pei cu. Vanneih thlaktak in a tanglam (ground floor) lam cu a him ngah hmang. Ahleice ih a kaangnak hmun cu a dot 4-nak(4th Floor) hi a si. Dot 4-nak ih khaan 797 le tlun tabik dot ih Rawl dawr pawl hmuahhmuah a kaang theh. Paisa in dot -4-nak khaan khat ih sunralmi Ks. ting-200-500 man lai a si.

Farah ram ih um mi bulpak pakhat in kum ziangmawzat sung thlanhri put in hawlsuakmi hitluk ih paisa tam kan sunral hi cu a naatuk lo maw? Tutum ih meisa thahnak dingah meisa thattu mawitaw 63 le tidai phurtu mawtaw - 20 an hmang. Meithattu hi mi 1500 lai an kim. Culak ah 50 lai cu meikhutuk ruangah lungmit in Siizung ah an ret bet lai. Hitluk in mawtaw tam an hmang ko nan tangkai bikmi cu Lilawn neimi mawtaw pahnih lawng hi a si.

Ziangtluk in thinnat za a si. Mawtaw 63 hin veikhat ten’ tidai toih/ theh thei mai sehla cu a mit lohli thei ding in thilri tampi an run thei ding nan... Meithahnak Mawtaw pawl cu Rangon ih ta lawng in a daih lo ruangah Bago lam ih ta tla an ko bet.... thlacam sak uhsi!

* * *

KAWHHRAN SUNGTHUTHAN

Bupi thuthan

DBCF E.C (2010): Pathian lamhruainak thawng in kan DBCF Deacon upa thenkhat cu Ressetlement- ramdang ih in vaihsantu an um ruangah EC thar pathum kan lakbet a si. Tulai fang DBCF Deacon upa pawl cu:

1. Upa Dr. Run Bik...............................(Chairman)

2. Upa J.H. HramLian ....................(Vice Chairman & Mission Treasurer)

3. Upa Steven Ral Kap Tluang .........(Secretary)

4. Upa Con Khuai ...........................(Asst. Secretary)

5. Upa Hrin Kam ............................ (Treasurer)

6. Upa Cung Bawi Hup ................ (Financial Secretary)

7. Upa Run Sum Sin .................... (Auditor)

8. Upa Myint Swe........................ (Joint Auditor)

9. Upa Lal Sa Vung ..................... (Property Keeper)

10.Upa Aung Nan ....................... (E.C Member)

11. Upa Steven Ling Kap ............. (E.C Member)

12. Upa Zun Khaw Mang ............. (E.C Member)

13. Upa Hrang Vung Thang ........... (E.C Member)

Missionary:         DBCF ih Missionary kan thlah mi Palai pawl: 1) Joseph Nigh (Orisa), 2) Andru Pen Tling (Rakhine), 3)Saya Khen Hauh (Thangping), 4) Saya Thla Ling (Pasing-B). Thlacamnak thawn kan bawm cio pei. Nei lo cin ten Missionary hrangah kan thawhmi le kan tiammi hi Leitlun ih thiltha tuahngahtu kan si. Missionary hrang singzet ih thawhtu nanzate Pathian in thlausuah pe vivo hram seh.

Air Condition:         Biakinn sungah A.C pathum kan hmang zo nan kan boruak a sat deuhdeuh ruangah Biakinn sung a dai theh thei lo. Curuangah A.C thar leibet dingin tumtahnak kan nei ih a hlu duhtu kan um ahcun DBCF Chairman le Secretary hnenah simthan a theih. AC thar leinak hrangah a thawh zotu tla kan um ih lungawinak sim cak lo kan nei.

Biakinn par ih Room Saan bet kan tum:         Kan Biakinn parah 2-Room set a um ih Kawhhran Pastor umnak le Office hrangah saangbet dingin tumtahnak kan nei. A reihlan ah kan ngahsuak theinak dingah thlacamnak thawn bawm cio uhsi!

Ti Daiternak Cet thar (Water Cooler):

Pathian in Tidaiternak Cet (Water Cooler) thar in pek. Biakinn ih khawm ra poktu pawl thlansa le thawsazet in kan thleng nan cerhti thiang daite kan in hnu cun kan thlansa, thawsa le baangnak pawl hmuahmuah a hlo theh thei. Certi thiang date na in duhve a si le khawm ringring aw.

Riahsiatpi: Kan ui-zet le duhdawtzet mi Pi Phiar Vang (April 20, 2010) le Pi Mang Hlei Zing (May 15. 2010) in taansan ih DBCF in kan tuarpi zet. Tantak mi pasal le fanau pawl hrangah thla kan cam sak cio pei.
Nubu Thuthan

Nubu Thuthan

Mother’s Day: May 9, 2010(Sunday) ah Nubu pawl ih hohanak in Nu Ni (Mother’s Day) cu sunglawizet in kan tuahsuak thei. sum le pai in siseh thazaang in siseh tanlatu zate parah Nubu hmin in lungawi thu kan lo sim.

Nubu Rawl-Ul Thlacam: DBCF Nubu pawl ih hohanak in Biakinn pi ah Zarhte Ni ti’n zing 9:00 ah Rawl-Ul Thlacam neih ringring a si.

Pulpit Pangpar: Zozo khal Pulpit pangpar hlu a theih ringring. (Contact Nu President le Secretary)

Lungawi bawm le Fangfai thuam: Nubu Lungawi bawm le fangthuam a thawhtu le tlawmngaizet ih a khongtu nanzate parah Nubu hmingin lungawi thu kan lo sim a si.

MINO Thuthan

DBCF Youth E.C: Mino E.C sung ihsin ramleng fehsantu an um ruangah E.C thar laklutnak le Dinhmun thleng-awknak a um ruangah a thar in kan tarlang saal...

1. Thian Za Thang .......... President

2. Van Bawi Kung .......... Vice Presient

3. Uk Lian ................... Secretary

4. Van Ram Eng ........... Asst. Secretary

5. Ro Rel Lian ............... Tresurer

6. Judith Van Lal Hnem ... Financial Secretary

7. Cung Za Uk ............... Musi Incharge

8. Ni Lian Zual ............... Music Incharge

9. Peter Van Uk Lian ....... Public Info.

10. Mal Sawm Tluang ..... Auditor

11. Run Sui Thawng ...... Auditor

12 Ngun Lian Thuan ...... Auditor

13. Hoih Lawm .............. Auditor

Advisors: Upa Con Khuai le Upa Zun Khaw Mang

Tonic Solfa Zirnak : DBCF Mino Tonic Solfa zirnak cu May 17-21, 2010 Ninga sung kan nei ih a zirtu mino mipum 50-60 kan kim thei. Kan hlawkpi ngaingai. Follow-up cu zarhtin Tlawngkai Nili le Ninga zaan Choir zir caan ah kan nei ringring ding. Tlawmngainak le duhsaknak tumpi in in zirhtu kan Deacon upa: Pu Hrin Kam, Pu Hrang Vung Thang le Pu Run Sum Sin an pathum parah Mino hmin in lungawi thu kan sim. An tuah an thamnak parah Pathian in thluasuah pe vivo hram seh.

Choir zirnak le Solfa:       Zarhtin Tlawngkai Nili zaan (Thur) le Ninga zaan (Fri) tin Hlarem (choir) zirnak a le Solfa zirnak um ringring. Mino pawl kan no lai ahhin kan aw le zai hi Pathian sunlawinak hrangah kan hmang cio pei. Choir zirnak ih a ra pok ringirngtu vengtin ih mino zate le a zirhtu pawl parah Kawhhran pi in lungawinak tampi kan nei.

DBCF Youth Fellowship:    DBCF Mino pawl lung rualzet in Pathian hrang le Kawhhran hrangah ke kan kar tlang vivo theinak ding tumtahnak ruang ih tuahmi a si. A veikhatnak May 23, 2010 (Sun) ah kan tuah ih vengtin ihsin Mino mipum 130 lai kan kim thei. Kan Pastor, Chairman le Secretary, Mino Advisor pawl in in telpi thei ih kan hnangam ngaingai. Hih Fellowship kan tuah ruangah Mino pawl thei aw dah lomi kan thei-aw, kan nel-aw.

Pathian thu ruangih kan neel-awk le kan theih-awk ruangah Kawhhran hrangah tan kan laknak a cak sinsin dingih thukzet le kauzet in Pathian hrangah Mino in hna kan tuan thei ding. Neta ahcun hihnak in Pathian a sunglawi sinsin theinak dingah tha le mawi sinsin in tuah thei dingin kan zuam rero. Mino zate khal in hih kan DBCF Fellowship a cak vivo theinak dingah tuanvo kan nei. Veng hnakin Biakinnpi ih Mino khawm zarhte zaan caan sawn ah thinlung pek cio dingin Yout E.C pawl in kan lo sawm duh.

Cule Kan Fellowship hrangah Refershment (Hmuk le A dai) thawtak in timtuah saktu kan President hlun Pa Moe Moe Kyaw (Austrilia) parah sim cawk lo lungawinak kan nei. Pathian in thluasuah pe vivo hram seh.

Key Board zirnak :        DBCF Mino Key-board zirnak cu June thla thok ihsin Biakinn ah zirnak a um ding. Solfa a zir ih Pathian sunlawinak le kawhhran hrangih tangkai ding pawl duhsak deuh an si. A zirduhtu pawl a rangthei lam in hmin cazin Mino President le Secretary hnenah pek dingin kan lo theiter.

Sunday School:    DBCF in Nipi Tlawng (Sunday School) a kaitu mipum 105 lai kan nei. Mithar tla kan lak rero. Zarhtin zing 7:00 - 9:30 tiang a siih Zingkhawm (Morning Service) ah class tin in zartin Baibal Siar le Hlasak nak kan nei ringring. Nu le Pa in kan fanau pawl iakinn lam ah thlah thei kan zuam cio pei.

DBCF Youth Seminar: Tukum sungah Seminar veihnih nei kan tum ih a veikhatnak Seminar cu May 29, 2010 (Sat) Biakinnpi ah kan nei ih mipum (60) lai kan kim thei. Kawhhran dang pawl in tla in telpi thei ih kan lungawizet. A zirhtu pawl cu :

Rev. Sui Nei Piang*Mino le Khristian Nunmawi & Leadership training Dr. Run Bik......... *Mino le Thansonak.

Zirhtu le Seminar ra kaitu zate parah lungawinak tampi kan nei.

Biakinn pi ih khawm can pawl:

* Sunday School        Sun Morning   … 07:00 AM
* Nipi Zing khawm     Sun Mording     … 11:00 AM
* English Service       Sun Afternoon   … 02:00 PM
* Nubu khawm          Sun Night          … 07:30 PM
* JAP Vengkhawm    Wed. Night        … 07:00PM
* Mino khawm           Sat. Night         … 07:30 PM

Capoh

Pitar pakhat “Resettlement” ti a saal thiam lo ih

Nan ni teh “Refreshment” an lo ko zo maw?

tin a inn hnen hnaset nawn cu a sut.

Cutik ah hnaset nawn cun

“Kan ei hrih lo deuh”

a ti

* * *

Mi pakhat lungkim lo zetin thla a cam:
“Maw Bawipa! ka huazet mi ka inn-hnen pa

hi Vangram na kaiter citcet ve ahcun
kei cu hell ah ka tum mai ding...
curuangah mawi Bawipa.... Amen”

By : Johny Joker

Cahram dilnak

Zozo khal DBCF Meifar hrangah cahram:
Cazikno, Biazai, Forhfialnak, Bicom …etc..